Jo-Filipi 1:27 - MUMA MALER 2015

²⁷ To koro nyaka une ni ngimau mapile obedo mowinjore gi Wach Maber mar Kristo. Kata ka abiro nenou, kata ka ok abiro, to adwaro winjo ni uchung’ motegno gi chuny achiel, mondo uked ni adiera mar Wach Maber.

Motingʼo Loko Manyien

²⁷ To kata obedo ni angʼo motimore, to usik kudak e kit ngimau mapile mowinjore gi Injili mar Kristo. Kata ka abiro nenou, kata ka ok abiro, to adwaro winjo ni uchungʼ motegno gi chuny achiel kendo gi paro achiel mondo ukedni adiera mar Injili,

Jo-Filipi 1:27 ပူးပေါင်းရင်းမြစ်များ

1 Weche mag Ndalo 19:12

Nowachone niya, “Kineno ka jo-Aram tek madwaro loya, to nyaka ibi ikonya. To ka jo-Amon dwaro loyi, eka nabi akonyi.

Zaburi 122:3

Jerusalem noger mondo obed dala ma ji chokoree gi kue kaachiel.

Zaburi 133:1

Mano kaka en gima ber kendo malong’o ka owete odak kanyakla gi kue.

Ngeche 22:23

nimar Ruoth Nyasaye nochwak joma kamago, kendo nokum ng’ato ang’ata ma yakogi.

Jeremia 32:39

Abiro miyogi chuny achiel gi yo achiel mondo giluora nyaka chieng’, eka gidhi nyime maber kod nyikwagi bende.

Mathayo 12:25

Yesu nong’eyo gima giparo, omiyo nowachonigi niya, “Piny moro amora ma joge opogore e kindgi giwegi ok nyal betie. Bende dala kata ot ma joge opogore ok nyal chung’.

Tich Joote 2:46

Pile ne gichokore gi chuny achiel e Hekalu, kendo ne gidhi e ot ka ot mondo gichamie Sap Ruoth. Ne gichiemo kaachiel gi mor,

Tich Joote 24:24

Bang’ ndalo moko, Feliks nobiro gi Drusila chiege ma nyar jo-Yahudi. Ne oluongo Paulo ire, kendo nowinje kowuoyo e wach yie kuom Kristo Yesu.

Tich Joote 4:32

Joma oyie duto ne nigi paro achiel kod chuny achiel. Onge ng’ato kuomgi mane nyalo wacho ni gima en-go en mare owuon, to ne giriwo gik moko duto mane gin-go kaachiel.

Jo-Rumi 1:16

Aonge gi wich kuot moro amora kuom Wach Maber, nimar en e teko mar Nyasaye, mawaro ji duto moyie. Mokwongo nobiro ni jo-Yahudi, to bang’e nobiro ni joma ok jo-Yahudi bende.

Jo-Rumi 1:5

En ema ne otimona ng’wono mondo abed jaote e nyinge, mondo ami ogendini duto oyie kuome kendo oluore.

Jo-Rumi 1:9

To Nyasaye ma atiyone gi chunya duto ka alando Wach Maber man kuom Wuode, ong’eyo kaka aparou e lemona kinde duto.

Jo-Rumi 10:8

Ooyo Muma wacho kama: “Wach Nyasaye chiegni kodi; en mana e dhogi kendo e chunyi.” En e wach mar yie mwalando niya,

Jo-Rumi 15:16

mondo abed jatich Kristo Yesu, kendo mondo ati tich dolo ni joma ok jo-Yahudi. Tijano en lando Wach Maber mar Nyasaye mondo joma ok jo-Yahudi obed misango malong’o ni Nyasaye, ma Roho Maler osepwodho.

Jo-Rumi 15:29

Ang’eyo ni ka abiro iru to anabi gi gueth mogundho mar Kristo.

1 Jo-Korintho 1:10

Owetena, asayou e nying Ruodhwa Yesu Kristo ni beduru gi winjruok uduto kuom gima uwacho, mondo kik ubed gi pogruok e kindu, to uriwru chutho kuom paro achiel kod dwaro achiel.

1 Jo-Korintho 15:58

Emomiyo owetena mahero, chung’uru motegno ma ok ung’ingni, kutiyo matek pile e tich Ruoth, kendo kung’eyo ni tich mutiyo kuom Ruoth ok nobed kayiem nono.

2 Jo-Korintho 13:11

Koro oritu owetena! Temuru mondo ubed joma kare, kuwinjo wechena. Beduru gi winjruok, kendo gi kue, eka Nyasach hera kod kue nobed kodu.

2 Jo-Korintho 4:4

Gin joma ok yie, ma nyasach pinyni osedino chunygi, mondo kik gine ler ma Wach Maber manyiso ji duong’ maler mar Kristo, ma en owuon e kido mar Nyasaye.

2 Jo-Korintho 9:13

Chiwouni biro nyiso ni umako chik Nyasaye, kendo ni uhulo Wach Maber man kuom Kristo gi adiera, omiyo gibiro miyo Nyasaye duong’, kendo ginipake nikech ng’wono ma utimonigi, kendo ni ji duto.

Jo-Galatia 1:7

To chutho onge Wach Maber moro machielo, to nitie jomoko machandou katemo loko Wach Maber mar Kristo obed gimoro nono.

Jo-Efeso 1:13

Kamano e kaka un joma ok jo-Yahudi bende ne uwinjo wach mar adiera, ma en Wach Maber mane okelonu warruok, mi uyie kuom Kristo, kendo Nyasaye nomiyou Roho Maler mane osingore ni nomiu, kaka ranyisi ni un joge.

Jo-Efeso 1:15

Mano emomiyo kane awinjo wach yie ma un-go kuom Ruoth Yesu, kod hera muherogo jo-Nyasaye duto,

Jo-Efeso 4:1

Emomiyo, an ng’at motue nikech Ruoth, akwayou ni mondo uwuoth mowinjore gi luong mane Nyasaye oluongougo.

Jo-Filipi 1:5

nikech kony ma usekonyago e tich lando Injili, chakre chieng’ mokwongo nyaka chil kawuono.

Jo-Filipi 2:12

Kuom mano, osiepena, kaka ne uwinjo wachna kane an kodu, koro ka an mabor kodu, to ber mondo uwinj wachna moloyo. Tiuru gi luoro kod kibaji, mondo umi warruok ochop kare,

Jo-Filipi 2:24

To pod ageno ni ka Ruoth oyie, to an awuon bende abiro biro iru piyo.

Jo-Filipi 3:18

nimar kaka ne wawachonu ndalo mang’eny, koro eri achako awachonu ka pi wang’a chuer ni, nitie ji mathoth ma ngimagi miyo gidoko wasik msalap Kristo.

Jo-Filipi 3:20

Wan to polo e thurwa, kendo warito Ruoth Yesu Kristo mondo oa e polo obi oreswa.

Jo-Filipi 4:1

Emomiyo owetena ma ahero, chung’uru motegno kuom Kristo. Siso oloya kodu ahinya, jowadwa. Un ema umiya mor, kendo un e osimbona, manyiso ni aselocho.

Jo-Kolosai 1:10

Kamano unudag e ngima mamiyo Ruoth duong’, kendo unutim gik malong’one e yore duto, kunyago olemo mag timbe mabeyo duto, kendo kumedo ng’eyo Nyasaye.

Jo-Kolosai 1:4

nikech wasewinjo yie ma un-go kuom Yesu Kristo, kod hera muherogo jo-Nyasaye duto.

1 Jo-Thesalonika 3:6

To Timotheo koro oseduogo koa iru, kendo okelonwa wach ni udhi nyime maber, kendo yieu gi herau pod otegno, bende osewachonwa ni uparowa gi hera mang’won ndalo duto, kendo ni ugombo nenowa kaka wan bende wagombo nenou.

1 Jo-Thesalonika 4:1

To koro mogik, owetewa, wan kod gimoro achiel monego wakwau kaka jo-Kristo wetewa. Wakwayou ni mondo ngimau obed moluwore gi puonj mane wamiyou. Ne wanyisou kaka onego uwuothi mondo ubed malong’o ni Nyasaye, kendo adier mano e kaka uwuotho, to kata kamano wajiwou mondo umed timo kamano moloyo.

1 Timotheo 1:11

Puonjno owinjore kod Wach Maber mawuoyo kuom duong’ maler mar Nyasaye mipako. Wach maberno ema ne Nyasaye omiya mondo alandi.

1 Timotheo 1:19

kendo bed gi yie motegno, kionge gi gimoro ma dimi chunyi thagi. Jomoko osetimo gik ma chunygi nyisogi ni ok kare, omiyo koro giseweyo yie mane gin-go, mi gilal.

2 Timotheo 4:7

Asekedo lweny maber, kendo asetieko ng’weya, bende aserito yie marwa.

Tito 2:10

Kik gikwel, to ginyis malong’o ni gin joma inyalo geno adier e weche duto, mondo gimi ji one kaka puonj mar Nyasaye Jawarwa ber e gik moko duto ma gitimo.

Filemon 1:5

nikech awinjo wach yie ma in-go kod hera ma iherogo Ruoth Yesu, kaachiel gi jo-Nyasaye duto.

Jakobo 3:18

Kodhi mopidhi gi kue nyago timbe mabeyo ni joma kelo kue mopidhogi.

2 Petro 3:11

Ka gigo duto biro leny nono kamano, koro un uparo ni onego ubed joma chal nadi? Donge onego ubed joma ler, mochiwore ni Nyasaye,

2 Petro 3:14

Emomiyo osiepena, e kinde mapod uritoe gigo mondo otimre, to temuru matek mondo ubed maler kendo maonge ketho e nyim Nyasaye, kendo ubed gi kue kode.

Juda 1:3

Osiepena, ne agombo ahinya mondo andiknu kuom warruok ma waduto wan-go, to koro aneno ni nyaka andiknu, kajiwou mondo umed kedo matek ni wach yie ma Nyasaye osemiyo joge dichiel kendo mogik.