Jo-Filipi 1:17 - MUMA MALER 2015

¹⁷ Ji moko to lando wach Kristo ka parogi ok ler, kendo gidwaro mana ni mondo gin giwegi ema giyud duong’. Giparo ni ka gitimo kamano to gibiro medona chandruok e tuech.

Motingʼo Loko Manyien

¹⁷ Joma lando Kristo ka gin-gi ich lit gi miero to timo kamano mondo oyud duongʼ, ka giparo niginyalo medona chandruok ka pod an e od twech.

Jo-Filipi 1:17 ပူးပေါင်းရင်းမြစ်များ

Luka 21:14

Emomiyo keturu chunyu mondo ung’e ni ka kindeno ochopo, to ok unuchandru kuom paro gima dudwoki,

Tich Joote 22:1

“Owetena gi wuonena, winjuru ane weche ma anyisougo ni ok asetimo gimoro marach.”

Tich Joote 26:1

Agripa nowacho ni Paulo ni, “Koro in gi thuolo mar dwoko wach iwuon.” Eka Paulo noting’o lwete mi ochako wuoyo kowacho niya,

Tich Joote 26:24

To kane Paulo oyudo dwoko wach kamano, Festo nokokne niya, “Paulo, neko omaki! Puonjruok mang’eny osemiyi neko.”

Jo-Rumi 2:8

To joma dwaro mana gigi giwegi, kendo ok dwar gima kare, to dwaro mana luwo gima ok kare noyud kum gi mirima mager.

Jo-Filipi 1:18

To onge wach! Amor, nimar wach Kristo ilando e yore duto, bed ni en yor wuondruok kata yor adiera, kedo abiro medo bedo mamor,

Jo-Filipi 1:7

En kare mondo apar kamano kuomu uduto, nikech aherou ahinya, kendo nikech uduto uriworu koda e ng’wono ma Nyasaye osemiya mar bedo e tuech, kendo mar temo siro adiera mar Injili kendo jiwo.

Jo-Filipi 2:3

Kik ubed gi piem kata sunga, to beduru mobolore, ka ukwanoru ka joma tindoe moloyo jomoko,

1 Timotheo 2:7

Mano emomiyo noketa jaote, mondo aland wachno, kapuonjo joma ok jo-Yahudi wach mar yie maradier. Ok ariambi, to awacho adiera!

2 Timotheo 2:9

Wach Maberno ema omiyo isanda kendo itueya gi nyororo ka ng’at motimo gik maricho. To wach Nyasaye ok nyal tue!

2 Timotheo 4:16

E kinde mokwongo mane achung’ie e bura mondo awach wachna, onge ng’ato mane ochwaka, to ji duto noringo oweya. To Nyasaye mondo ong’wonnigi.