Jo-Efeso 6:4 - MUMA MALER 2015

⁴ Un wuone, kik utim ni nyithindu gik ma dimi mirima makgi, to pidhgiuru kuchikogi kendo upuonjogi e yor Kristo.

Motingʼo Loko Manyien

⁴ Wuone kik umi nyithindu bedo gi mirima; to ritgiuru maber, kurieyogi kendo upuonjogi kuom Ruoth.

Jo-Efeso 6:4 ပူးပေါင်းရင်းမြစ်များ

Chakruok 18:19

Aseyiere mondo ochik nyithinde kod nyikwaye oluw yorena ka gitimo timbe mabeyo kendo makare. Kamano natimne gik moko duto ma nasesingorane.”

1 Weche mag Ndalo 28:20

Bang’e Daudi nowacho ni Solomon wuode niya, “Bed gichir, kendo gi jing’o! Kik chunyi nyosre, kendo kik iluor, to chak mana tich, nikech Ruoth Nyasaye ma Nyasacha nobed kodi, kendo ok nojwang’i kata weyi ka pok itieko tije duto mag Ode.

1 Weche mag Ndalo 29:19

Kony Solomon wuoda mondo omak chikeni gi bucheni mondo ochopgi duto, kendo oger Hekalu ma koro aseikone gik moko.”

Ngeche 19:18

Ka nyithindi oketho to puonjgi gi chwat kapod gitindo ma ginyalo winjoe gimoro. Ka ok itim kamano to ikethogi.

Ngeche 22:15

Timo gik mofuwo en kit nyathi. Ka ichwade to obiro weyo timbe makamago.

Ngeche 22:6

Ka ipuonjo nyathi timbe mabeyo ka pod otin, to wiye ok nowil gi timgo e ngimane duto.

Ngeche 29:15

Ka ichwado nyathi, kendo ikwere, eka ikonye bedo mariek. Nyathi mowe aweya to kelo ni min mare wichkuot.

Ngeche 29:17

Puonj wuodi tim maber eka okonyi kendo omiyi mor.

Isaya 38:19

To joma ngima kende ema nyalo goyoni erokamano kaka agoyoni kawuononi. Wuone bende nyiso yawuotgi adiera mari, A Nyasaye.

Jo-Efeso 6:3

eka mondo ine maber, kendo idag aming’a e piny.”

Rapar mar Chik 4:9

“To beduru kutang’ kendo neuru ni wiu ok owil gi gik museneno gi wang’u. Kik uwe gia e chunyu ka pod ungima, to hulgiuru ni nyithindu kendo ni nyikwau.

Rapar mar Chik 6:7

kendo puonjgiuru nyithindu. Bende twaguru kuomgi e mier, kata kuwuotho e yo, kata kudhi nindo, kata kuchiew gokinyi.

Jo-Kolosai 3:21

Un jonywol, kik ulwer nyithindu, nikech dipo ka chunygi ojok.

2 Timotheo 1:5

nikech aparo yie maradier ma in-go. Yienino chalo gi yie mane Lois dani nigo mokwongo, kendo mane Yunike meru bende ni-go.

2 Timotheo 3:15

Bende ng’e ni nyaka ia e nyathi isebedo king’eyo weche manie Muma ma nyalo miyi rieko makeloni warruok, ka iyie kuom Kristo Yesu.

Joshua 24:15

Ka ok uikoru mar tiyone, to yieruru tinendeni nyasaye mubiro tiyone. Unyalo tiyone nyiseche mane kwereu lamo loka aora Yufrate, kata nyiseche mag jo-Amor, ma koro udak e pinygini. To an, kaachiel gi jooda, wabiro tiyo ni Ruoth Nyasaye.”

Jong’ad Bura 13:12

Eka Manoa nowachone niya, “Nyathino nobed nyathi machal nadi, ka weche miwachogo otimore? Wanarite nadi, kendo notim ang’o?”