Jo-Efeso 6:17 - MUMA MALER 2015

¹⁷ Rwakuru warruok ka ogut lweny, kendo makuru wach Nyasaye ka ligangla ma Roho miyou.

Motingʼo Loko Manyien

¹⁷ Kawuru ogudu motegno mar warruok kod ligangla mar Roho ma en wach Nyasaye.

Jo-Efeso 6:17 ပူးပေါင်းရင်းမြစ်များ

2 Samuel 22:36

In Ruoth Nyasaye, isekelona resruok mobedona okumba, kendo konyni ema nomiyo abedo gi duong’.

Isaya 49:2

Ne opiago lewa, modoko liganglane mabith, kendo ne opanda e tipo mar lwete. Ne otima asere moywe maler, kendo ne opanda e olalone.

Isaya 59:17

Ne orwakore gi tim makare ka law akor mar nyinyo, kendo ne orwako warruok ka ogut lweny. Bende ne orwako chulo kuor ka ng’ama rwako law, kendo mirima mager ema ne obolo kuome ka law abola.

Hosea 6:5

Kuom mano, aseoro jonabi maga iru mondo osiemu ni ibiro kumou kendo tiekou. Gima adwaro ni mondo un joga utim, en gima ratiro kendo maler,

Zekaria 4:6

Eka nowachona niya, “Ruoth Nyasaye wacho ni Zerubabel kama: ‘Gik moko matimore ok timre kuom teko kata kuom nyalo, to gitimore kuom Roho mara. An Ruoth Nyasaye Manyalo Gik Moko Duto ema awacho kamano.’

Mathayo 4:4

To Yesu nodwoke niya, “Muma wacho ni, ‘Dhano ok nyal bedo mangima nikech chiemo kende, to obedo mangima gi weche duto mawuok e dho Nyasaye.’ ”

Mathayo 4:7

Yesu nodwoke niya, “To Muma wacho bende ni, ‘Kik item Ruoth Nyasachi.’ ”

Jo-Efeso 5:26

Ne ochiwore kamano mondo opwodhe, kolwoke gi pi kendo gi wach,

1 Jo-Thesalonika 5:8

To wan, jogo mag odiechieng’, waritreuru ka waserwako yie gi hera kaka akor mar lweny, kendo ka waserwako geno mar warruok kaka ogut lweny.

Jo-Hibrania 4:12

Wach Nyasaye ngima kendo tiyo, bende obith moloyo ligangla ma dhoge ariyo. Opowo chuny dhano, kendo odonjo nyaka iye mogik, kama opogoe paro gi chuny, kod fuoni gi ondhudho. Bende oketo bura ni paro kod dwaro manie chuny ng’ato.

Jo-Hibrania 6:5

kendo obilo Wach Nyasaye, mi oyudo ni mit, mi ong’eyo teko mar piny mabiro,

Fweny 1:16

Ne en gi sulue abiriyo e lwete ma korachwich, kendo ligangla mabith ma dhoge abiriyo ne wuok e dhoge. Pat wang’e ne nenore ka wang’chieng’ mang’angni gi tekone duto.

Fweny 12:11

Owetewa ne oloye gi remb Nyarombo kendo gi Wach Nyasaye mane gihulo, bende ne ok gidewo ngimagi nyaka kar tho.

Fweny 19:15

To ligangla mabith wuok e dhoge kendo ochwowogo ogendini. Obiro ritogi gi ludh nyinyo, kendo obiro ng’adonigi bura gi mirimb Nyasaye Manyalo Gik Moko Duto.

Fweny 2:16

Emomiyo lok chunyi! To ka ok ilokori, to abiro biro iri piyo, mi aked kodgi gi ligangla mawuok e dhoga!

1 Samuel 17:5

Nosidho ogut mula, kendo norwako akor mar nyinyo ma pekne ne dirom kilo piero auchiel.

1 Samuel 17:58

Saulo nopenje niya, “Wuowi, in wuod ng’a?” Daudi nodwoke niya, “An wuod Jesse ja Bethlehem, ma jatichni.”