Jo-Efeso 6:15 - MUMA MALER 2015

¹⁵ kendo rwakuru ikruok mar lando Wach Maber mar kue ka wuocheu.

Motingʼo Loko Manyien

¹⁵ rwakreuru gi ikruok mar lando Injili makelo kwe kaka wuoche e tiendu.

Jo-Efeso 6:15 ပူးပေါင်းရင်းမြစ်များ

Wer Mamit 7:1

Yaye nyar jaduong’, mano kaka tiendi beyo, kirwako patpat. Embeni becho mana ka gima japecho molony ema opayo.

Isaya 52:7

Mano kaka ji mor ka neno jaote makelo wach maber, ka wuotho ewi gode. Jaote wacho ni gik moko koro dhi maber, kendo olando wach resruok. Bende owacho ni jo-Sayun niya, “Nyasachu e ruoth kuonde duto.”

Habakuk 3:19

Ruoth Nyasaye e tekra. En ema omiyo tienda bedo mayot ka tiend mwanda, mondo awuothgo kuonde moting’ore.

Mariko 6:9

To bende noyienigi rwako wuoche gi sati achiel kende.

Luka 15:22

To wuon mare nowacho ni jotichne ni, ‘Goluru law maberie moloyo piyopiyo mondo urwakne, kendo uketne tere e lith lwete. Wuoche bende mondo urwakne e tiende.

Jo-Rumi 10:15

Koso ere kaka ji nyalo lando Wach Maber ka ok oorgi? En mana kaka Muma wacho niya, “Mano kaka ji mor ka gineno joma kelo nigi Wach Maber!”

Rapar mar Chik 33:25

Lodi mag dhorangeyene obed mag chuma gi mag mula, kendo tekone omedre ndalo duto.