Jo-Efeso 6:11 - MUMA MALER 2015

¹¹ Manreuru gi gilweny duto mag Nyasaye, mondo uyud teko mar siro wuond mariek mag Satan,

Motingʼo Loko Manyien

¹¹ Manreuru gi gige lweny duto mag Nyasaye, mondo eka uchungʼ motegno kutangʼ ne wuond mar Jachien.

Jo-Efeso 6:11 ပူးပေါင်းရင်းမြစ်များ

Nehemia 4:13

Kane awinjo wachno, nachano ji e dhoutgi, maketo kuonde mane ni thuolo e kor ohinga, ka giting’o ligangla gi tong’ kod atung’.

Mariko 13:22

nikech Mesia mag miriambo kod jonabi ma ok madier notuchi. Ginitim ranyisi kod honni, mondo kanyalore to giwuondgo kata mana joma Nyasaye oyiero.

Jo-Rumi 13:12

Otieno chiegni rumo, kendo dwaro ru. Emomiyo waweuru timbe mag mudho, to wamanreuru gi gilweny mag ler.

Jo-Rumi 13:14

To rwakreuru gi Yesu Kristo kaka okumbau, kendo weuru keto chunyu kuom paro gik ma ringruok gombo.

1 Jo-Korintho 10:13

Onge tem ma useyudo mopogore gi tem ma ji duto yudo. Nyasaye en jaadiera, omiyo ok noyie mondo uyud tem mohingo tekreu, to nomiu yo ma uwuokgo e tem moro amora, kendo nomiu teko mar dhil gi tem go.

2 Jo-Korintho 10:4

Bende gilweny ma wakedogo ok gin mag piny, to gin gilweny motegno mag Nyasaye, ma wamukogo kuonde mochiel motegno. Tiende ni, waketho mbaka manono,

2 Jo-Korintho 11:3

To aluor ni kaka thuol nowuondo Hawa gi riekone parou bende kamoro inyalo wuondo mi uwe hero Kristo kende gi chunyu duto.

2 Jo-Korintho 2:11

mondo Satan kik lowa, nikech wang’eyo riekone!

2 Jo-Korintho 4:4

Gin joma ok yie, ma nyasach pinyni osedino chunygi, mondo kik gine ler ma Wach Maber manyiso ji duong’ maler mar Kristo, ma en owuon e kido mar Nyasaye.

2 Jo-Korintho 6:7

gi lando wach adiera, kendo gi teko mar Nyasaye. Wamako tim makare ka gilweny mwamonjogo wasigu, kendo mwaritorego.

Jo-Efeso 4:14

Koro ok wanachak wabed ka nyithindo mayomyom, ma yamo mar puonj moro amora uko, kendo tago, ka ji maricho wuondowa gi riekogi ma gidwaro witowago.

Jo-Efeso 4:24

bende nyaka urwakru gi dhano manyien, ma olos e kido machal gi mar Nyasaye, kendo maler chutho mowinjore gi adiera.

Jo-Efeso 6:13

Omiyo, manreuru gi gilweny mag Nyasaye sani, mondo usir wasigu chieng’ ma lweny gerie, kendo kusetimo duto munyalo, to nonwang’ kapod uchung’ motegno.

Jo-Kolosai 3:10

mi urwako dhano manyien mamedo doko manyien pile, mondo obed machal gi kit jachwechne, mi omi ung’e Nyasaye chuth.

1 Jo-Thesalonika 5:8

To wan, jogo mag odiechieng’, waritreuru ka waserwako yie gi hera kaka akor mar lweny, kendo ka waserwako geno mar warruok kaka ogut lweny.

Jo-Hibrania 7:25

Kuom mano en gi teko mochwere mar reso jogo makadho kuome kasudo ir Nyasaye, nikech ongima nyaka chieng’ mondo okwanigi Nyasaye.

Jakobo 4:7

Emomiyo, winjuru Nyasaye. Tamuru Satan to noringu.

1 Petro 5:8

Beduru motang’ kurito, nikech jasiku ma Satan bayo kuonde duto ka sibuor magoyo asumbi, ka dwaro ng’ama dongam!

Juda 1:24

Wapakuru Jal manyalo ritou mondo kik upodhi, kendo manyalo miyo uchung’ e nyim duong’ne maler kumor kendo kuonge ketho.

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.

Fweny 2:24

“ ‘To un ji mamoko duto man Thuatira, ma ok oseluwo puonjno, bende mapok ong’eyo gima jomoko luongo ni, ‘Weche matut mag Satan’, ok amiu ting’ moro mapek.

Jong’ad Bura 3:2

Notimo kamano ni mondo tienge jo-Isarel mabiro, kod joma ne pok opuonjore kaka ikedo, ong’e lweny.