Jo-Efeso 6:10 - MUMA MALER 2015

¹⁰ To wach mogik en ni, beduru motegno kuom Ruoth, kendo kuom tekone maduong’.

Motingʼo Loko Manyien

¹⁰ Mogik, beduru motegno kuom Ruoth, kendo kuom tekone maduongʼ.

Jo-Efeso 6:10 ပူးပေါင်းရင်းမြစ်များ

1 Weche mag Ndalo 28:10

Emomiyo par malong’o ni Ruoth Nyasaye oseyieri ni mondo iger ot moyangne. Bed gi jing’o kendo igere!”

1 Weche mag Ndalo 28:20

Bang’e Daudi nowacho ni Solomon wuode niya, “Bed gichir, kendo gi jing’o! Kik chunyi nyosre, kendo kik iluor, to chak mana tich, nikech Ruoth Nyasaye ma Nyasacha nobed kodi, kendo ok nojwang’i kata weyi ka pok itieko tije duto mag Ode.

2 Weche mag Ndalo 15:7

To un, timuru chir! Lwetu kik jony, nimar nochulu kuom tichu.”

Zaburi 138:3

Kane aluongi, to ne idwoka, kendo ne itega gi tekoni.

Isaya 40:28

Donge ung’eyo, koso pok uwinjo, ni Ruoth Nyasaye ma Nyasaye mochwere, kendo ma Jachuech piny malichni duto, ok ol, kendo ok nyosre? Parone tut, ma odhiero dhano ng’eyo.

Isaya 40:31

To joma ogeno kuom Ruoth Nyasaye, tekogi noduogi. Ginihu ka ongo, mana ka gima gin gi buombegi, kendo giniringi, to ok giniol, bende giniwuothi, to tekregi ok norum.

Hagai 2:4

Bang’e nyis Zerubabel gi Joshua wuod Jehozadak jadolo maduong’ kod ji moko duto mondo ojiwre obed motegno. An Ruoth Nyasaye ema awacho kamano.” Ruoth Nyasaye Manyalo Gik Moko Duto owacho ni, “Chakuru achaka tich, nikech an kodu,

Zekaria 8:13

Un jo-Juda kod jo-Israel, usebedo ranyisi malong’o ni ogendini mamoko duto kuom gima timore ni joma akuong’o, to koro abiro resou, mi ubed ranyisi mar gima timore ni joma aguedho. Kuom mano kik ubed maluor, to beduru gi chir.”

Zekaria 8:9

Ruoth Nyasaye Manyalo Gik Moko Duto wacho kama: “Beduru gi chir, un joma ndaloni weche ma jonabi osebedo kawacho, chakre chieng’ mane iketoe mise mar Hekalu mara, mondo ochak oger kendo.

1 Jo-Korintho 16:13

Beduru motang’, kendo chung’uru motegno kuom yieu. Beduru gi chir kendo gi jing’o.

2 Jo-Korintho 13:11

Koro oritu owetena! Temuru mondo ubed joma kare, kuwinjo wechena. Beduru gi winjruok, kendo gi kue, eka Nyasach hera kod kue nobed kodu.

Jo-Efeso 1:19

bende mondo ung’e teko maduong’ matiyo kuomwa, wan joma oyie kuome. Mano e teko maduong’

Jo-Efeso 3:16

Akwayo Nyasaye kuom duong’ne mang’ongo mondo omiu teko e chunyu maiye kuom Roho mare,

Rapar mar Chik 31:23

Ruoth Nyasaye nochiko Joshua wuod Nun niya, “Bed gi chir, kendo gi jing’o, nikech in ema nitelni jo-Israel ka gidhi e piny mane asingora ni namigi kendo anabed kodi.”

Jo-Filipi 3:1

Koro oritu owetena, kendo beduru mamor kuom Ruoth. Onge teko moro ma aneno kuom nwoyonu weche mane asendikonu mokwongo, kendo en gima biro konyou.

Jo-Filipi 4:13

Anyalo chomo gik moko duto tir, kuom teko ma Kristo miya.

Jo-Filipi 4:8

To wach mogik, owetena, paruru weche duto mabeyo kendo mowinjore yud pak, kaka: weche madiera, weche makelo pak, weche makare, weche maler, weche malong’o, kod weche mang’won.

Jo-Kolosai 1:11

Walemo ni mondo otegu gi teko mar duong’ne mang’ongo, komiyo udhil, kendo uketo chunyu mos, kata ka ang’o ema timore.

2 Timotheo 2:1

Omiyo in nyathina, bed motegno kuom ng’wono ma wan-go kodi, ka wan kuom Kristo Yesu.

2 Timotheo 4:17

Ruoth ne ochung’ buta momiya teko mondo aland Wach Maber chuth, mondo ji duto ma ok jo-Yahudi owinj Wach Maber. Kamano ne oresa e dho sibuor.

Joshua 1:9

Par kaka asechiki ni mondo ibed gi chir kendo gi jing’o. Kik iluor, kendo kik chunyi nyosre, nikech an Ruoth Nyasaye ma Nyasachi, an kodi kuonde duto midhiye.”

1 Petro 3:8

Mogik to uduto nyaka ubed gi chuny achiel, kendo gi paro achiel. Herreuru kaka owete, bende beduru mamuol kendo mang’won.

1 Petro 4:11

Ka ng’ato en jaland wach, to wach mowacho nyaka bed mana Wach Nyasaye, kendo ka ng’ato tiyo ni ji, to mondo oti mana gi teko ma Nyasaye chiwo, mondo Nyasaye oyud duong’ kuom gik moko duto mutimo kuom Yesu Kristo. En e wuon duong gi teko nyaka chieng’. Amin.

1 Petro 5:10

To ka usenwang’o chandruok kuom kinde matin, to Nyasach ng’wono duto, ma oseluongou kuom Kristo e duong’ne mochwere, noduog chunyu, mi miu teko, kendo omiu chuny motegno, koketou e mise ma ok yiengni.

1 Johana 2:14

Un nyithinda, asendikonu nikech ung’eyo Wuoro. Un wuone, asendikonu nikech ung’eyo Jal ma osebetie nyaka a chakruok. To un yawuowi asendikonu nikech utegno, kendo Wach Nyasaye odak e iu, kendo useloyo Ng’ama Rach.

1 Samuel 23:16

Jonathan wuod Saulo nowuok, modhi ire kuno, mojiwe kotego chunye kuom Nyasaye.