Jo-Efeso 6:1 - MUMA MALER 2015

¹ Un nyithindo, winjuru wach jonywolu, nikech timo kamano en gima kare kuom Ruoth.

Motingʼo Loko Manyien

¹ Nyithindo, winjuru jonywolu kuom Ruoth nikech timo kamano en gima kare.

Jo-Efeso 6:1 ပူးပေါင်းရင်းမြစ်များ

Chakruok 28:7

Bende nong’eyo ni Jakobo nowinjo wach wuon mare gi min mare, mi nosedhi Mesopotamia.

Chakruok 37:13

Bang’e Israel nowacho ni Josef niya, “Oweteni kwayo jamni Shekem. Bi, adwaro ori irgi.” Josef nodwoke ni, “Ayie dhi.”

Chakruok 48:12

Eka Josef nogolo nyithindogo e chong Israel, kendo nogoyo chonge piny, mokulore nyaka e lowo.

Chakruok 50:12

Kamano yawuot Jakobo notimo gima wuon-gi nochikogi.

Nehemia 9:13

Nilor ewi got Sinai, kendo niwuoyo kodgi gie polo, kimiyogi chike makare kendo madiera kod buche mabeyo,

Ayub 33:27

Eka nowachi e lela niya, ‘Asetimo richo. To kata obedo ni ne ok atimo gik makare kamano, to Nyasaye nong’wonona.

Zaburi 119:128

Kuom mano, aluwo chikeni duto, to yore maricho duto amon-go.

Zaburi 119:75

A Ruoth Nyasaye, ang’eyo ni buche ma ing’ado ni kare, kendo ne ikuma nikech in jaadiera.

Zaburi 19:8

Chike mag Ruoth Nyasaye ni kare kendo miyo chuny mor. Adier, chike Nyasaye beyo kendo yawo wang’.

Ngeche 1:8

Wuoda, chik iti ni gik ma wuoru puonji, kendo kik idagi gik ma meru wachoni,

Ngeche 23:22

Winj wuoru, nikech en ema onywoli, kendo kik icha meru, kata bed ni oseti.

Ngeche 30:11

Nitie ji ma kuong’o wuonegi, kendo ma ok mi minegi luor.

Ngeche 30:17

Ng’at manyiero wuon, kata machayo min mare ka oti, onego achuth cham, kata onego agak lodh wengene!

Ngeche 6:20

Wuoda, tim gik ma wuoru nyisi, bende kik idagi puonj meru.

Jeremia 35:14

Nyikwa Jonadab oserito chik mane kwargi omiyogi mi ok gimadh divai, kendo kata nyaka sani onge ng’ato kuomgi mametho, nikech girito chik mane kwargi ogolo. To an asebedo ka awuoyonu pile, to utamoru.

Jeremia 35:18

Bang’e Jeremia nowacho ni joka Rekab ni Ruoth Nyasaye ma Nyasach Israel osewacho niya, “Userito chik mane kwaru Jonadab omiyou, kutimo gik moko duto mane ochikou.

Jeremia 35:8

Waserito chike duto mag Jonadab wuod Rekab ma kwarwa. Wan wawegi ok wamadh divai, kata mana mondwa gi yawuotwa kod nyiwa bende ok madhi.

Hosea 14:9

Joma riek mondo owinj weche mondik ka, kendo girwakgi e chunygi. Yore mag Ruoth Nyasaye oriere tir, kendo joma kare luwogi, to joricho chwanyore kendo podho nikech ok giluwgi.

Tim jo-Lawi 19:3

Ng’ato ka ng’ato kuomu nyaka luor min gi wuon, kendo nyaka rit Sabato maga. An e Ruoth Nyasaye ma Nyasachu.

Luka 2:51

Eka noa kodgi, mi gidok Nazareth, kendo ne odak kodgi kuno komiyogi luor. To min mare nokano gik moko duto mosetimore e chunye.

Jo-Rumi 12:2

Kik uluw timbe mag pinyni, to lokreuru mondo parou odok manyien, eka ubiro ng’eyo gik ma Nyasaye dwaro. Gin gik mabeyo kendo malong’o ma Nyasaye oyiego.

Jo-Rumi 16:2

Rwakeuru e nying Ruoth kaka jo-Nyasaye owinjore tim, kendo konyeuru e wach moro amora modwaro, nikech osekonyo ji mathoth, kaachiel gi an awuon bende.

Jo-Rumi 7:12

Kuom mano, Chik Musa en gima ler, kendo chike moting’o bende ler, kendo kare, kendo beyo.

1 Jo-Korintho 15:58

Emomiyo owetena mahero, chung’uru motegno ma ok ung’ingni, kutiyo matek pile e tich Ruoth, kendo kung’eyo ni tich mutiyo kuom Ruoth ok nobed kayiem nono.

Rapar mar Chik 21:18

“Kapo ni ng’ato nigi wuowi ma wiye tek kendo ma achach, ma ok nyal winjo jonywolne, kata da gikume,

1 Timotheo 5:4

To ka chi liel moro nigi nyithinde kata nyikwaye, to ber mondo ginyis ni giluoro Nyasaye kuom gik ma gitimo e miegi, ka gikonyo jonywolgi gi jonywol jonywolgi, nikech mano ema long’o ni Nyasaye.

1 Petro 2:13

Winjuru chike duto ma joloch oketo, nikech uhero Ruoth Yesu. Adier, rituru chike mag ruodh piny, ma en ng’ama duong’ moloyo,

Ruth 3:5

Ruth nodwoke ni, “Duto miwachona, abiro timo.”

1 Samuel 17:20

Daudi nochiew gokinyi mang’ich, moweyo rombe gi jorit. Nokawo gigo modhi kaka Jesse nochike. Nochopo e kambi mana ka jolweny wuok dhi kedo, kendo ka gigiyo sigich lweny.