Jo-Efeso 5:3 - MUMA MALER 2015

³ Terruok gi tim ma ok ler moro amora, kata gombo, kik bedi e kindu, kendo kata mana wacho kik wachi nimar mano ok owinjore gi jo-Nyasaye,

Motingʼo Loko Manyien

³ To e dieru kik winjre ni nitie terruok kata kit dwanyruok moro amora, kata wuoro, nikech gik ma kamago ok owinjore jomaler moluwo Nyasaye otim.

Jo-Efeso 5:3 ပူးပေါင်းရင်းမြစ်များ

Zaburi 10:3

Jaricho pakore kuom gombone maricho. Odagi Ruoth Nyasaye kendo okwedo ka wuoro omake.

Zaburi 119:36

Miya chuny mohero rito chikeni, kar bedo gi mwandu.

Wuok 18:21

To nyaka iyier ji mariek kendo moluoro Nyasaye kuom ji duto. Nyaka gibed joadiera, kendo ma ok nyal chamo asoya. Gin ema mondo iketgi jotend ji. Jomoko kuomgi onego rit ji alufu achiel achiel, to moko ji mia mia, kendo moko ji piero abich abich, to moko ji apar apar.

Wuok 20:17

“Kik igomb od ng’ato, kata chi ng’ato, kata misumba ng’ato, kata dher ng’ato, kata kanj ng’ato, kata gimoro amora ma ng’ato nigo.”

Wuok 23:13

“Mak uru weche duto ma asenyisou. Kik ulam nyiseche mamoko, kendo kik umul nyinggi.

Ngeche 28:16

Ruoth ma onge gi rieko sando joge asanda, to ruoth mamon gi timbe mobam, to nobed gi loch aming’a.

Jeremia 22:17

In to ineno mana gigi iwuon. Inego joma onge ketho, kendo ithiro jogi gi gero. An Ruoth Nyasaye ema awacho kamano.”

Jeremia 6:13

“Ji duto madongo gi matindo temo yudo pesa e yore mag miganga, kata mana jonabi gi jodolo bende migengni.

Jeremia 8:10

Kuom mano mondgi kaachiel gi puothegi abiro miyo jomoko nono. Ji duto, madongo gi matindo, temo yudo pesa e yore mag miriambo, kata mana jonabi gi jodolo duto bende jomriambo,

Ezekiel 33:31

Kuom mano joga chokore mondo owinj gima iwacho, to kata obedo ni iwachonigi gima onego gitim, to ok gitim. Miriambo ema gihero kendo pesa ema giketoe chunygi.

Tim jo-Lawi 15:18

Chikno bende omako dhako ma ng’ato oriworego. Giduto ji ariyogo nyaka gilwokre, to ginisik ka gigak nyaka odhiambo.

Mika 2:2

Ka gidwaro lop ng’ato, to gikawo akawa gi thwon. To kata ka gidwaro udi, to mago bende gikawo akawa. Gimayo ji kata mana utegi kaachiel gi mwandugi, mi giwegi nono.

Kwan 25:1

Kane jo-Israel ni Shitim, ne gichako terore gi nyi Moab,

Mathayo 15:19

nikech chuny dhano ema paro maricho nitie, mamiyo otimo gik maricho, kaka nek gi terruok gi wuowo gi kuo gi miriambo, kod kuoth.

Luka 12:15

Eka nomedo wacho ni ji duto niya, “Beduru motang’, mondo uritru kuom gombo duto nikech mwandu ok nyal miyo ng’ato bed mangima, kata dabed ni omew machal nadi.”

Luka 16:14

Jo-Farisai, ma gin joma ohero pesa ahinya, nowinjo wechego duto, mi onyiere anyiera.

Tich Joote 15:20

To onego wandiknigi barua ma nyisogi ni nyaka giritre kuom gik ma ok ler nikech gik ma kamago osechiw ni nyiseche manono. Bende kik giterre, kendo kik gicham gima ode, bende kik gicham remo.

Tich Joote 20:33

Ne ok agombo fedha kata dhahabu kata law ng’ato.

Jo-Rumi 1:29

Gipong’ gi timbe maricho duto, kaka gombo gi chuny marach. Adier gipong’ gi nyiego gi nek gi dhaw gi miganga kod himruok. Gin jokuoth,

Jo-Rumi 16:2

Rwakeuru e nying Ruoth kaka jo-Nyasaye owinjore tim, kendo konyeuru e wach moro amora modwaro, nikech osekonyo ji mathoth, kaachiel gi an awuon bende.

Jo-Rumi 6:13

Kik ng’ato kuomu yie mondo fuonde moro amora obed gima itimogo richo, to chiwreuru ni Nyasaye ka joma otho mochako ochier. Adier, chiwneuru ringreu duto mondo obed gik ma itimogo gik makare,

1 Jo-Korintho 10:8

Wan kik watim timbe terruok, kaka moko kuomgi notimo, mi ji alufu piero ariyo gadek kuomgi otho chieng’ achiel.

1 Jo-Korintho 5:1

Wachore malong’o ni wach terruok nie kindu, kendo en kit terruok ma ok nwang’ kata mana e kind joma ok oyie kuom Nyasaye, nikech ng’ato terore gi chi wuon!

1 Jo-Korintho 6:13

Ng’at machielo bende nyalo wacho ni, “Chiemo en mar ich, kendo ich en mar chiemo.” Ee, to Nyasaye notiek gik moko ariyogo duto. To ringruok ok ochue ni terruok, to en mar Ruoth, kendo Ruoth en mar ringruok.

1 Jo-Korintho 6:18

Beduru mabor gi terruok. Richo moko duto ma ng’ato timo ok keth ringre. Ng’ama terore to ketho ringre owuon.

2 Jo-Korintho 12:21

Bende aluor ni ka abiro to Nyasacha dipo ka omiya bedo gi wichkuot e nyimu, mi dabed gi kuyo nikech joma thoth mane oketho, to otamore lokore kuom tim ma ok ler mane gisebedo ka gitimo, kaka terruok kod anjawo.

Jo-Efeso 5:12

En wichkuot kata mana wacho gik ma gitimo ling’ling’.

Jo-Efeso 5:5

nikech ung’eyo ni ng’ama terore kata ma ok ler, kata ma jagombo, ma en ng’ama lamo nyiseche manono, ok noyud gueth mar Loch Kristo gi Nyasaye.

Jo-Filipi 1:27

To koro nyaka une ni ngimau mapile obedo mowinjore gi Wach Maber mar Kristo. Kata ka abiro nenou, kata ka ok abiro, to adwaro winjo ni uchung’ motegno gi chuny achiel, mondo uked ni adiera mar Wach Maber.

Jo-Kolosai 3:5

Emomiyo neguru dhano machon gi timbene duto mag piny ka, kaka terruok, gi dwanyruok, gi hera marach, gi gombo marach, kod ich lach ma en mana lamo nyiseche manono,

1 Jo-Thesalonika 4:3

Nyasaye dwaro ni mondo ubed joma ler, omiyo nyaka uwe terruok.

1 Jo-Thesalonika 4:7

Nyasaye ok oseluongowa mondo wadag e dwanyruok, to oseluongowa mondo wabed joma ler.

1 Timotheo 2:10

to onego girwakre gi timbe mabeyo kaka owinjore gi mon ma wacho ni oluoro Nyasaye.

1 Timotheo 3:3

Kik obed jakong’o, kata ng’at mohero goruok, to nyaka obed ng’at mamuol ma ok ohero dhaw, bende ma ok ohero pesa.

1 Timotheo 6:10

nimar hero pesa e chakruok mar kit richo duto. Jomoko osegombo mondo oyud pesa mathoth, kendo mano osemiyo gibaro giweyo yie marwa, mi gichwowo mana chunygi giwegi gi chandruok mathoth.

2 Timotheo 3:2

Ji nobed joma oherore kendgi giwegi, kendo ma ohero pesa. Ginibed joma wuorore kendo ma jong’ayi, kendo ma yanyo ji. Bende ok giniwinj jonywolgi, bende ok ginibed joma goyo erokamano, kata joma oluoro Nyasaye.

Tito 1:11

Nyaka kwergi mondo giling’, nikech giketho mier ka gipuonjo weche ma ok owinjore gipuonji, mana ni mondo giyud pesa.

Tito 1:7

Jatend kanyakla mar jo-Kristo en jarit tich Nyasaye, omiyo nyaka obed ng’at maonge ketho. Kik obed ng’ama jasunga, kata ma jamrima, kata ma jamer, kata ma ohero goruok, kata ng’ama ohero pesa.

Tito 2:3

Kamano bende nyaka inyis mon madongo mondo obed joma oluoro Nyasaye e ngimagi, to kik gibed jokuoth, kata joma ohero kong’o, to gibed ranyisi mabeyo,

Jo-Hibrania 12:16

Ritreuru mondo kik ng’ato kuomu bed ng’ama terore kata ng’ama ok oluoro Nyasaye ka Esau, mane ong’iewo duong’ne mar nywol mana ni mondo ochiem dichiel kende!

Joshua 7:21

nikech kane aneno law maber molos Shinar, gi fedha ma pekne oromo kilo ariyo, kod dhahabu ma pekne oromo nus kilo kuom mwandu Jeriko, gombo nomaka, makawogi. Nakunyogi e hemba ka fedha ema akuongo keto e bur.”

1 Petro 5:2

Beduru jokwadh kueth ma Nyasaye osemiyou, kendo ritgiuru gi chuny mamor kaka Nyasaye dwaro, to ok kuom achune. Kik utim kamano mondo uyudie ohala, to timeuru mana nikech uhero.

2 Petro 2:10

to moloyo jogo matimo dwaro mag ringruok kuom gombo mochido, kendo chayo teko mar Nyasaye. Jopuonj mag miriambo nigi chir, kendo wang’gi tek, bende ok giluoro yanyo joma nigi duong e polo.

2 Petro 2:14

Wengegi rango mon mana gi gombo maricho, kendo gombo ma gin-go mar dwaro timo richo ok rum. Giywayo joma yiegi yomyom, gitero e richo, bende chunygi ong’iyo gi gombo gik moko. Gin joma okuong!

2 Petro 2:3

Kuom gombo chamo gik malang’, jopuonj mag miriambo nokaw giu gi weche mag wuond. To jang’ad bura oseng’ado buchgi chon! Kum ema oritogi, kendo ng’ama biro tiekogi ok nindi!

Fweny 2:14

To kata kamano, an kodi gi weche moko, nikech in gi ji moko kanyo maluwo puonj mar Baalam, mane opuonjo Balak kaka onyalo miyo jo-Israel tim richo kuom chamo chiemo mosetimgo ni nyiseche manono misango, kendo kuom terruok.

Fweny 2:21

Ne amiye kinde mondo olok chunye, to otamore weyo terruokne.

Fweny 21:8

To ngoche, gi joma ok oyie, kod jomriambo duto, kargi nobed mana ataro maliel gi ligek mach, ma en tho mar ariyo!”

Fweny 22:15

To guogi gi jojuogi, gi joma terore, gi jonek, gi joma lamo nyiseche manono, kod ji duto ma ohero miriambo kendo matimo gik ma ok adiera, nobed oko.

Fweny 9:21

Bende ne ok giloko chunygi giweyo nek, kata timbe juok, kata terruok, kata kuo, mane gisebedo ka gitimo.

1 Samuel 8:3

Yawuotego ne ok oluwo timbene, to ne giketho bura, ka gibaro kuom dwaro mwandu malang’, kendo kuom chamo asoya.