Jo-Efeso 5:21 - MUMA MALER 2015

²¹ Beduru gi winjruok e kindu, kumiyogo Kristo duong’.

Motingʼo Loko Manyien

²¹ Beduru gi winjruok ngʼato gi ngʼato, mondo umi Kristo duongʼ.

Jo-Efeso 5:21 ပူးပေါင်းရင်းမြစ်များ

Chakruok 16:9

Malaika nomedo wachone niya, “Dog ir Sarai, kendo yie gi thagruok momiyi.”

1 Weche mag Ndalo 29:24

Jotelo kod jolweny duto, kaachiel gi yawuot Daudi, nosingore ni giniyie loch Solomon.

2 Weche mag Ndalo 19:7

Emomiyo tiuru kuluoro Ruoth Nyasaye. Ritreuru kuom gima utimo, nimar Ruoth Nyasaye ma Nyasachwa ok oyie gi ng’ado buch amwor kata buch nyakonchiel kata chamo asoya.”

Nehemia 5:15

Jotelo ma nokwongona noketo ni ji ting’ mapek, ka gikawo kuomgi chiemo kod divai ma nengogi ne romo nus kilo mar fedha odiechieng’ kodiechieng’. To bende jotichgi ne thago ji, to an ne ok atimo kamano, nikech naluoro Nyasaye.

Nehemia 5:9

Eka nadhi nyime kawachonigi niya, “Gima utimo rach! Owinjore ubed joma oluoro Nyasaye ahinya, mondo ogendini ma wasikwa kik yud thuolo mar charowa.

Ngeche 24:21

Wuoda, luor Ruoth Nyasaye, kendo luor ruoth ma rito piny. Bed mabor gi joma piem kodgi,

1 Jo-Korintho 16:16

Koro akwayou owetena, ni mondo uyie bet e bwo joma kamago, kendo e bwo ng’ato ka ng’ato ma bende tiyo tich Nyasaye matek.

2 Jo-Korintho 5:11

Wang’eyo ni tiend luoro Ruoth en ang’o, emomiyo wayuayo ji. Nyasaye ong’eyo chutho ngimawa kaka chal, kendo ageno ni un bende ung’eyowa maber e chunyu maiye kaka wachal.

2 Jo-Korintho 7:1

Osiepewa, mago e singruok ma osemiwa. Kuom mano, nyaka wapuodhre kuom gik moko duto mamiyo ringruok kod chuny doko mochido, mondo wadok joma ler chuth, kwabedo joma oluoro Nyasaye.

Jo-Galatia 5:13

To un owetena, noluongu mondo ubed thuolo, to kik uwe mondo thuolo ma un-gono mi utim gimoro amora mudwaro, to ng’ato ka ng’ato kuomu mondo okony wadgi kuom hera,

Jo-Efeso 5:22

Un mon luoruru chwou mana kaka uluoro Kristo,

Jo-Efeso 5:24

Kuom mano, mon nyaka winj chwogi e weche duto, mana kaka kanyakla mar jo-Kristo winjo Kristo.

Jo-Filipi 2:3

Kik ubed gi piem kata sunga, to beduru mobolore, ka ukwanoru ka joma tindoe moloyo jomoko,

1 Timotheo 2:11

Mon mondo opuonjre koling’, kendo koyie winjo wach.

1 Timotheo 3:4

Nyaka obed ng’at morito dalane adimba, kendo mochiko nyithinde kaka owinjore mondo gimiye luor,

Jo-Hibrania 13:17

Winjuru wach jotendu, kendo timuru gik ma giwacho. Giritou odiechieng’ gotieno ma ok giyue, nikech nyaka ginyis Nyasaye wach kaka gisetiyo. Ka uluorogi, to gibiro tiyo gi mor to ka uchayogi to ginyalo tiyo ka gijur, to mano ok nyal konyou.

1 Petro 2:13

Winjuru chike duto ma joloch oketo, nikech uhero Ruoth Yesu. Adier, rituru chike mag ruodh piny, ma en ng’ama duong’ moloyo,

1 Petro 2:17

Miuru ji duto duong’, kendo heruru oweteu kuom Ruoth. Luoruru Nyasaye, to ruodh piny bende miuru duong’.

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”