Jo-Efeso 5:19 - MUMA MALER 2015

¹⁹ Weruru wende Zaburi, gi wende lemo ka un kaachiel, kendo kuwer kamano, to denduru Ruoth e chunyu.

Motingʼo Loko Manyien

¹⁹ Wuouru ngʼato gi ngʼato kod weche mag zaburi kwero wende kitabu kod wende chuny. Weruru kendo denduru Ruoth e chunyu

Jo-Efeso 5:19 ပူးပေါင်းရင်းမြစ်များ

Zaburi 147:7

Weruru ni Nyasachwa wende pak, kugoyone thum mamit.

Zaburi 62:8

Un jowa, genuru kuom Nyasaye kinde duto. Nyiseuru chandruok duto ma ungo, nimar en e kar konyruokwa.

Zaburi 86:12

Abiro paki gi chunya duto, A Ruoth Nyasacha, bende abiro miyo nyingi duong’ nyaka chieng’,

Zaburi 95:2

Wadhiuru e nyime kwagoyone erokamano, kendo wawerne wende mag pak gi ilo

Isaya 65:14

Jotichna nower ka chunygi mor, to un unywasgi ka ukuyo kendo chunyu lit.

Mathayo 15:8

‘Jogi paka mana gi dhogi, to chunygi bor koda.

Mathayo 26:30

Bang’ mano ne giwer, to kane gisewer, ne giwuok gidhi e got Zeituni.

Tich Joote 16:25

Kar odiewuor tir, Paulo gi Sila noyudo lemo kendo wer ni Nyasaye, ka joma otwe mamoko to ochiko itgi winjogi.

1 Jo-Korintho 14:15

Koro ere gima onego atim? Abiro lemo gi chunya, to kendo abiro lemo gi parona bende. Abiro wero wende pak gi chunya, to bende abiro werogi gi parona bende.

1 Jo-Korintho 14:26

Koro owetena, ere gima ber monego utim? E chokruoku duto, ng’ato ka ng’ato kuomu mondo obed gi wer, kata gi puonj, kata gi fweny, kata gi wach midhumo, kata gi loko wach midhumono; to mago duto onego obed makonyo chokruok.

Jo-Kolosai 3:16

Wach Kristo, gi gueth duto mokelo, mondo odag e chunyu. Puonjreuru kendo jiwreuru gi rieko duto. Weruru mamit e chunyu ni Nyasaye, kugoyone erokamano gi wende Zaburi gi wende pak kod wende mag chuny.

Jakobo 5:13

Ka ng’ato kuomu nigi chandruok, to onego olem. To ka ng’ato nigi mor, to onego ower wende pak.

Fweny 5:9

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.