Jo-Efeso 5:13 - MUMA MALER 2015

¹³ To ka gik moko duto ogol e lela, to kitgi madiera nenore,

Motingʼo Loko Manyien

¹³ To ka gik moko duto ohul e lela to gi yangore maler nikech ler ema miyo ineno gik moko duto.

Jo-Efeso 5:13 ပူးပေါင်းရင်းမြစ်များ

Ywagruok 2:14

Fweny mane jonabini oneno, mi onyisi, ne ok adier, to ne gin mana miriambo lilo. Ok ne ginyisi timbeni mamono, mondo ichak idhi maber kendo, to fweny ma gisenyisi gin mana weche manono ma wito ji.

Hosea 2:10

Bang’e anagonye duk mana ka chodene neno, kendo onge ng’ama norese e lweta.

Hosea 7:1

“Pile ka adwaro chango jo-Israel mondo gichak gidhi nyime maber, to richogi gi timbegi makuero ema aneno. Giwuondo ji kendo gituro udi mondo gikuelie, bende gimayo ji gik moko kata mana e wang’ yore.

Mika 7:9

Aseketho e nyim Ruoth Nyasaye omiyo ayie mirimbe nyaka ochwaka, mi ong’adna bura maber, kendo ogola oko e ler, mi ane ni otimo gima kare kaka nosingore.

1 Jo-Korintho 4:5

Omiyo kik ung’ad ni ng’ato bura ka kinde moketi pok ochopo, to rituru biro mar Ruoth, nikech en ema nogol e lela weche mopandi e mudho, kendo noel paro mag chuny dhano. Eka Nyasaye nomi ng’ato ka ng’ato pak mowinjorego.

Jo-Efeso 5:12

En wichkuot kata mana wacho gik ma gitimo ling’ling’.

Jo-Hibrania 1:13

Nyasaye pok onyiso malaikane moro ni, “Bed e bada korachwich ka, nyaka chop aket wasiki obed raten tiendi.”