Jo-Efeso 5:11 - MUMA MALER 2015

¹¹ Beduru mabor gi joma timo timbe mag mudho maonge ohala. To moloyo umi kit timbegi ong’ere ratiro.

Motingʼo Loko Manyien

¹¹ Kwedreuru chuth gi timbe mag mudho maonge ohala kendo hulgiuru e lela.

Jo-Efeso 5:11 ပူးပေါင်းရင်းမြစ်များ

Chakruok 20:16

Nonyiso Sara bende niya, “Asemiyo owadu fedha alufu achiel mondo obed ranyisi ni jou duto ni ionge gi ketho, kendo mondo ging’e ni ok isetimo gimoro marach.”

Zaburi 141:5

Ng’at makare nyalo kuma, kendo kwera gi ng’wono, to ok nawe jaricho wir wiya gi mo, nikech pile alemo mondo timbene maricho okethre.

Ngeche 1:10

Wuoda, ka joricho temi, to kik iyienigi.

Ngeche 1:31

Kuom mano, unuyud gima owinjore kodu, kendo timbeu uwegi noromu!

Ngeche 13:18

Ng’at madagi ni kik rieye bedo mana jachan, kendo yudo wichkuot, to ng’at machiko ite ka ikwero, yudo duong.

Ngeche 15:12

Ng’at ma jasunga ok dwar mondo okwer, omiyo ok odhi ir joma riek mondo ong’adne rieko.

Ngeche 19:25

Josunga nyaka kum mondo joma kia gik moko opuonjre. Ng’at mariek to puonjore apuonja kokwere.

Ngeche 25:12

Siem ma ng’at mariek siemogo ng’at ma chiko ite, ber moloyo tere mar dhahabu, kata tigo molos gi dhahabu.

Ngeche 28:4

Joma ok oluoro chik pako joricho. Joma orito chik to kwerogi.

Ngeche 29:1

Ng’at ma wiye medo bedo matek, kata ka osekwere, nopo mana ka otur ma ok chomre.

Isaya 29:21

Gin jogo ma ketho nying ji, kendo ma buto mondo ohiny jong’ad bura, bende gimiyo buch ng’at makare iketho kayiem nono.

Jeremia 15:17

Ne ok abet e kanyakla mar joma mor, bende ne ok aneno ber, to ne an mana kenda, ka apong’ gi siwuori, nikech tich mane imiya.

Tim jo-Lawi 19:17

Kik imak sadha gi wadu, to nyaka inyise kethone wang’ gi wang’; mano eka ok dibed jaketho.

Mathayo 18:15

“Ka wadu moro otimoni marach, to dhi ire mondo inyise wachno ka un kode ji ariyo. Ka owinjo wachni to iloso kindi gi wadu.

Luka 3:19

To kane okwero Herode kuom kawo Herodia chi owadgi, kendo kuom timo gik maricho mathoth,

Tich Joote 26:18

Iniyaw wang’gi, mi igolgi gia e mudho gidhi e ler, kendo gia e teko Satan, gidhi ir Nyasaye, mondo ka giyie kuoma to owenigi richogi, kendo gibed kaachiel gi joma Nyasaye oseyiero obed joge.’

Jo-Rumi 13:12

Otieno chiegni rumo, kendo dwaro ru. Emomiyo waweuru timbe mag mudho, to wamanreuru gi gilweny mag ler.

Jo-Rumi 16:17

Akwayou owetena ni beduru motang’ gi joma kelo pogruok kendo miyo ji lal, ka gitamore luwo puonj mane uyudo. Ayeuru kuom joma kamago,

Jo-Rumi 6:21

To ere ohala mane uyudo kuom timo gik ma koro miyou wichkuotgi? Giko mar gigo en mana tho.

Jo-Galatia 6:8

Ng’at ma ochuoyo kuom gombo mag ngima dhano, noka tho kuom ngima mar dhano, to ng’ama ochuoyo kuom Roho, noka ngima mochwere kuom Roho.

Jo-Efeso 4:22

Omiyo nyaka uwe kit ngimau machon, kendo ulony dhano machon mochomo tho nikech gombo ma ok ni kare.

Jo-Efeso 5:12

En wichkuot kata mana wacho gik ma gitimo ling’ling’.

Jo-Efeso 5:7

Kuom mano, kik urip gi joma kamago ngang’.

Jo-Kolosai 1:12

Gouru erokamano gi mor ni Wuoro, ma osemiyo ubedo joma owinjore yudo gueth kaachiel gi joge owuon e piny ler.

1 Jo-Thesalonika 5:7

Joma nindo to nindo gotieno, kendo jomer bende mer gotieno.

2 Jo-Thesalonika 3:14

Ka ng’at moro ok oyie winjo gima wawacho e baruani, to ng’iuru ng’atno maber, kendo pogreuru kode, nikech mano dipo ka okuodo wiye.

2 Jo-Thesalonika 3:6

To owetewa, wachikou e nying Ruodhwa Yesu Kristo ni, pogreuru kuom owete mabudho abudha kayiem nono, kendo ok luw chik mane uyudo kuomwa.

1 Timotheo 5:20

Joma timo richo to ikwer mana e nyim ji ratiro, mondo jomoko bende obed maluor.

1 Timotheo 5:22

Kik irikni yieyo lwedo kuom ng’ato kikete e tich telo, nikech dipo ka iriwori kode e richone moro, to ritri ibed maler.

1 Timotheo 6:5

kod dondruok maonge giko. Joma timo gik ma kamago gin joma parogi okethore, kendo ma adiera oselalnigi. Giparo ni lamo Nyasaye nyalo kelonigi ohala!

2 Timotheo 3:5

Ginitim gik mamiyo ginenore ka joma oluoro Nyasaye, to ngimagi to nonyis ni gionge gi teko ma luoro Nyasaye kelo. In to nyaka ibed mabor gi joma kamago.

2 Timotheo 4:2

land Wach Nyasaye, kendo ket chunyi kuom tijno kinde duto, kata ka piny ber kata rach. Kwer weche duto ma ok ni kare. Kendo rie weche maricho, kijiwo ji kendo ipuonjo gi kinda duto.

Tito 2:15

Mago e gik ma nyaka ipuonj ji, kijiwogi kendo ikwerogi gi teko duto momiyi, to kik iyie mondo ng’ato ochayi.

Fweny 18:4

Eka ne achako awinjo dwol machielo moa e polo kawacho niya, “Un joga, auru kuom dalano, mondo kik uriwru e richone, kendo kik unwang’ masichene,