Jo-Efeso 4:6 - MUMA MALER 2015

⁶ Nyasaye bende en achiel, ma Wuon ji duto. En ema oloyo gik moko duto, kendo otiyo kuom gik moko duto, bende en ei gik moko duto.

Motingʼo Loko Manyien

⁶ Nyasaye achiel kendo Wuon ji duto, en moloyo duto kendo en ema otiyo kuom duto.

Jo-Efeso 4:6 ပူးပေါင်းရင်းမြစ်များ

Chakruok 14:19

kowacho niya, “Abram! Nyasaye Maduong’ Moloyo, mane ochueyo polo gi piny, mondo oguedhi.

Zaburi 95:3

nikech Ruoth Nyasaye en Nyasaye maduong’. En e ruoth maduong’ie moloyo nyiseche duto.

Isaya 63:16

In e wuonwa, omiyo kik idagi konyowa. Kata obedo ni Ibrahim ok ong’eyowa, kendo Israel ok oyie ni wan joge, to in Ruoth Nyasaye, in e wuonwa, kendo in e jawarwa nyaka nene.

Malaki 2:10

Uwacho niya, “Donge waduto wuonwa en achiel? Donge Nyasaye achiel ema ne ochueyowa? Ka kamano, to ere gima omiyo waketho singruok mane Nyasaye otimo gi kwerewa, ka ng’ato ka ng’ato ketho singruok motimo gi wadgi?

Kwan 16:22

To ne gipodho piny auma, ka giwacho niya, “A Nyasaye ma Nyasach ngima, bende mirima nyalo maki gi oganda duto mana nikech richo mar ng’ato achiel?”

Mathayo 6:13

Kik iwe wadonj e tem, to reswa e richo, [ nimar loch gi teko kod duong’ gin magi nyaka chieng’. Amin.]

Mathayo 6:9

“To un onego ulem kama: Wuonwa manie polo, nyingi mondo omi luor.

Johana 14:23

Yesu nodwoke niya, “Ng’at mohera norit wachna. Wuora bende nohere, mi wanabi ire, kendo wadag kode.

Johana 17:26

Asemiyo ging’eyi, kendo abiro medo miyo ging’eyi, mondo hera miherago obed kuomgi, kendo an bende abed kuomgi.”

Johana 20:17

To Yesu nowachone ni, “We maka, nikech pok aidho adhi ka Wuora, to dhiyo ir owetena, mondo iwachnigi ni, an aidho adhi ka Wuora ma bende Wuonu. Adier, adhi ka Nyasacha ma Nyasachu.”

Jo-Rumi 11:36

En ema ne ochueyo gik moko duto, kendo ema omiyo gisiko gintie, bende en ema omiyogi gima omiyo gintie. Duong’ obedne nyaka chieng’! Amin.

1 Jo-Korintho 12:6

Nitie yore mopogore opogore ma teko Nyasaye tiyoe kuom ji, to Nyasaye achiel ema tiyo e yorego duto.

1 Jo-Korintho 8:6

wan to wan mana gi Nyasaye achiel, ma en Wuoro, kendo ma gik moko duto a kuome. Wantie mana ni mondo watine. Bende nitie Ruoth achiel kende, ma omiyo gik moko duto nitie, koda ka wan bende.

2 Jo-Korintho 6:16

Ere winjruok ma Hekalu mar Nyasaye nigo gi nyiseche manono? Apenjou kamano nikech wan e Hekalu mar Nyasaye Mangima, mana kaka Nyasaye nowacho niya, “Abiro dak kodgi, kendo anawuoth kuomgi. Anabed Nyasachgi, kendo ginibed joga.”

Jo-Efeso 1:21

Kristo nigi loch kuno kuom ruodhi mag polo duto, kendo kuom teko duto, gi loch duto, gi duong’ duto, kod nying moro amora minyalo luongi, ok e pinyni kende, to e piny mabiro bende.

Jo-Efeso 2:22

Un bende igerou kuome kaachiel kodwa mondo ubed kar dak mar Nyasaye kuom Roho.

Jo-Efeso 3:17

kendo mondo Kristo olos kar dakne e chunyu kuom yie. Akwaye bende mondo umoki kendo ugurru e hera,

Jo-Efeso 6:23

Kue gi hera kod yie moa kuom Nyasaye Wuoro gi Ruoth Yesu Kristo, obed kod owete duto.

Rapar mar Chik 6:4

“Winjuru un jo-Israel. Ruoth Nyasaye e Nyasachwa, en e Ruoth Nyasaye, kendo en kende e Nyasaye.

1 Johana 3:24

Ng’at momako chik Nyasaye osiko kuom Nyasaye, to Nyasaye bende osiko kuome. Wang’eyo ni Nyasaye osiko kuomwa nikech Roho ma osemiyowa.