Jo-Efeso 4:3 - MUMA MALER 2015

³ Temuru kaka unyalo mondo urit winjruok ma Roho osemiyou, kuom kue moriwou kaachiel.

Motingʼo Loko Manyien

³ Temuru duto munyalo mondo urit achiel mar Roho ka usiko e kwe moriwou kaachiel.

Jo-Efeso 4:3 ပူးပေါင်းရင်းမြစ်များ

1 Ruodhi 16:21

Eka jo-Israel nopogore diriyo. Jomoko noluwo Tibni wuod Ginath, ka gidwaro kete ruoth, to jomoko noluwo Omri.

Wuok 28:32

Nyaka obed gi otuch e diere ma wich wuokie. Aluora mar otuchno duto nyaka twang’ gi pien, mondo kik yiech.

Eklesiastes 4:12

Ka ng’ato ni kende, to ng’ato nyalo monje mi hewe. Ji ariyo to nyalo hewo ng’atno. Adier, tol mokadi didek, chodo tek.

Mariko 3:24

Ka jopiny moro opogore, to pinyno ok nyal gurore.

Johana 13:34

Amiyou chik manyien ni mondo uherru. Kaka aseherou e kaka ng’ato ka ng’ato mondo oher wadgi.

1 Jo-Korintho 1:10

Owetena, asayou e nying Ruodhwa Yesu Kristo ni beduru gi winjruok uduto kuom gima uwacho, mondo kik ubed gi pogruok e kindu, to uriwru chutho kuom paro achiel kod dwaro achiel.

2 Jo-Korintho 13:11

Koro oritu owetena! Temuru mondo ubed joma kare, kuwinjo wechena. Beduru gi winjruok, kendo gi kue, eka Nyasach hera kod kue nobed kodu.

Jo-Efeso 4:13

nyaka chop wan duto wabed e achiel ma wayudo nikech wayie kuom Wuod Nyasaye, kendo wang’eye. Eka wanabed joma otegno chutho, kendo wanachop e rang’iny mogik mar Kristo.

Jo-Efeso 4:4

Nitie ringruok achiel gi Roho achiel, mana kaka nitie geno achiel ma Nyasaye oseluongoue.

1 Jo-Thesalonika 5:13

Migiuru duong’ ahinya, kendo hergiuru nikech tich ma gitiyo. Beduru gi kue e kindu uwegi.

Jo-Hibrania 12:14

Temuru mondo ubed gi kue kod ji duto, kendo beduru gi ngima maler, nikech ka ng’ato ok ler, to ok none Ruoth.