Jo-Efeso 4:29 - MUMA MALER 2015

²⁹ Ka uwuoyo to wach moro marach kik wuog e dhou, to wachuru mana weche mabeyo kendo makonyo ji, kendo mowinjore, mondo joma winjo wecheu oyud konyruok.

Motingʼo Loko Manyien

²⁹ Kik uyie weche maricho wuogi e dhou, to mana weche mabeyo manyalo konyo kuom gero ji kaluwore gi dwarogi mondo wecheu okony joma winjo.

Jo-Efeso 4:29 ပူးပေါင်းရင်းမြစ်များ

Zaburi 45:2

In e ng’at ma jaberie moloyo ji duto, kendo in e jatwak mong’ith. Omiyo Nyasaye oseguedhi nyaka chieng’.

Zaburi 5:9

Adiera onge e dho wasika. Kethruok kende ema nie chunygi. Dhogi chalo gi bur mong’amo dhoge, kendo gipero ji apera gi dhogi.

Zaburi 52:2

Ichano timbe ma idwaro hinyogo ji, kendo lewi mihangogo ji bith ka wembe.

Zaburi 71:24

Pile anawuo kuom timni makare, nikech joma ne dwaro hinya oselo, mi wigi okuot.

Ngeche 12:13

Weche jaricho mako mana en owuon. Ng’at modimbore to tony atonya e chandruok.

Ngeche 15:23

Ka ng’ato odwoko wach maber, to obedo mamor. Adier, wach mowinjore gi sane, ber manade!

Ngeche 15:7

Lew ng’at mariek lando rieko. Ng’at mofuwo to wechene obam.

Ngeche 16:21

Ng’at man gi paroo iluongo ni ng’ama riek, kendo wechene mamit gin mana puonj.

Eklesiastes 10:12

Weche ma ng’at mariek wacho, kelone luor. Ng’at mofuwo to tiekore kende owuon gi wechene.

Isaya 50:4

Ruoth Nyasaye osemiya lep mar puonj, mondo ang’e kaka anyalo hoyo ng’at ma ojony. Opiago ita mabith gokinyi pile pile, ni mondo achik ita ka ng’at mipuonjo.

Mathayo 5:16

Kamano un bende, ler maru nyaka rieny e nyim ji, mondo gine timbeu mabeyo, mi gimi Wuonu mae polo duong’.

Luka 4:22

Jogo duto nopwoye ahinya, kendo ne giwuoro weche mang’won mane wuok e dhoge, mi gipenjore ni, “To donge jali en wuod Josef?”

Johana 1:37

Jopuonjrene ariyogo nowinjo wachneno, moluwo bang’ Yesu.

Jo-Rumi 14:19

Emomiyo wadwaruru matek weche makelo kue kod weche ma ng’ato ka ng’ato dikonygo owadgi.

Jo-Rumi 15:2

Ng’ato ka ng’ato kuomwa mondo otim gima ber kendo malong’o ni owadgi mondo okonye bet gi yie motegno.

1 Jo-Korintho 14:19

to ka an e chokruok mar jo-Kristo, to ahero wacho weche abich gi parona awuon mondo apuonjgo jomoko bende, moloyo dhumo weche gana gi gana gi dhok mayoreyore.

Jo-Efeso 4:12

Ne otimo kamano mondo omi jo-Nyasaye duto obed joma ong’eyo tich konyo ji, kendo tich gero ringre Kristo,

Jo-Efeso 4:16

kendo ringruok duto ochomore kuome, komakore gi leche duto ma en-go. En ema omiyo fuoni ka fuoni tiyo tichne. Kuom mano ringruok dongo kendo gerore kuom hera.

Jo-Kolosai 4:6

Wecheu onego bed mang’won pile kendo man gi ndhadhu, kendo nyaka ung’e kaka udwoko ng’ato ka ng’ato.

1 Jo-Thesalonika 5:11

Kuom mano, jiwreuru kendo konyreuru, mana kaka koro utimoni.

1 Petro 2:12

Timu onego obed maber ahinya e nyim joma ok oyie, mondo kata obedo ni gihangou ni un joma richo, to gine timbeu mabeyo, mi gipak Nyasaye chieng’ ma obiroe ng’ado bura.

1 Petro 3:1

Un mon bende nyaka uluor chwou, mondo ka nitie chwo moko ma ok oyie, to gilokre ka gineno kaka ngimau chal,

2 Petro 2:18

Giwuorore gi weche manono, kendo kuom gombo mag ringruok gihoyo joma dwaro tony kaa kuom joma timbegi nono.