Jo-Efeso 4:2 - MUMA MALER 2015

² Pile kik ubed joma sungore, to beduru mamuol, kendo horeuru mos, bende nyisuru hera ma uherorugo kuom weyo ni joweteu kethogi.

Motingʼo Loko Manyien

² Kinde duto beduru joma muol chutho, modimbore, kendo ma hore mos ka ukawo tingʼ joweteu kuom hera.

Jo-Efeso 4:2 ပူးပေါင်းရင်းမြစ်များ

Zaburi 138:6

Kata obedo ni in malo chutho, A Ruoth Nyasaye, to pod ikecho joma ni e piny. Josunga bende ok nyal pondoni!

Zaburi 45:4

Dhi adhiya kiidho farasi, kirwakori gi lep duong’, mondo ilo, kendo ikel adiera gi muolo kod bura makare. Tekoni maduong’ biro miyo itimo timbe madongo!

Ngeche 16:19

Ber bedo gi jochan kibolori, moloyo bedo gi josunga, kipogo kodgi gik moyaki.

Ngeche 3:34

Wi Ruoth Nyasaye tek ni joma wigi tek, to okecho jogo ma obolore.

Eklesiastes 7:8

Giko mar gimoro ber moloyo chakruokne. Horuok bende ber moloyo sunga.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Zefania 2:3

Dwaruru Ruoth Nyasaye un jogo duto modak e piny, kobolore kendo korito chikene. Bende dwaruru tim makare, bende beduru gi chuny mamuol nimar dipo ka uyudo kar konyruok, chieng’ mirimb Ruoth Nyasaye.

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Kwan 12:3

(To ka iwacho adier, Musa ne en ng’at mamuol ahinya moloyo ji duto manie piny.) Ruoth Nyasaye nowinjo kaka jogo kuodhe,

Mathayo 11:29

Rwakuru lodi ma amiyou e ng’utu, kendo puonjreuru kuoma, nikech chunya muol kendo dembore.

Mariko 9:19

Eka Yesu nowacho ni ji niya, “Yaye, ma tieng’ ma onge yie manade! Nyaka karang’o monego abedie kodu? Koso anachandra kodu nyaka karang’o? Keluru rawerano ira ka”.

Tich Joote 20:19

Ne atiyo ni Ruoth gi chuny mamuol chuth, ka pi wang’a chuer, kendo ka aneno masiche nikech gik maricho mane jo-Yahudi chano timona.

Jo-Rumi 15:1

Wan joma nigi yie motegno onego wakony jogo man gi yie mayomyom, ma ok watimo mana gima wan wawegi ema wahero.

1 Jo-Korintho 13:7

Hera odhil e weche duto, kendo kata ang’o ema otimore, to pod en gi yie, gi geno, kod kinda.

Jo-Galatia 6:2

Kawuru ting’ mag jowadu, nikech kutimo kamano to uchopo chik mar Kristo.

Jo-Efeso 1:4

Kuom herane, noyierowa kuom Kristo kapok ochue piny, mondo wabed maler kendo maonge mbala e nyime.

Jo-Kolosai 1:11

Walemo ni mondo otegu gi teko mar duong’ne mang’ongo, komiyo udhil, kendo uketo chunyu mos, kata ka ang’o ema timore.

1 Timotheo 6:11

To in ng’at Nyasaye, nyaka ibed mabor gi gigo duto, to dwar mondo ibed mana ng’ama kare, kendo moluoro Nyasaye, bende man gi yie kod hera, kendo motimo kinda, kendo mamuol.

2 Timotheo 2:25

kendo marieyo joma dagi wachne gi muolo. Kamoro dipo ka Nyasaye nyalo miyo chunygi lokre mondo ging’e adiera,

Jakobo 1:21

Emomiyo wituru gik mochido, gi timbe maricho mogundho. Bolreuru e nyim Nyasaye, kendo yieuru wach mane opidhi e chunyu, nikech en gi teko mar warou.

1 Petro 3:15

Miuru Ruoth Kristo duong’ e chunyu, kendo pile beduru kuikoru dwoko ng’ato ang’ata mapenjou tiend geno ma un-go.

1 Petro 3:8

Mogik to uduto nyaka ubed gi chuny achiel, kendo gi paro achiel. Herreuru kaka owete, bende beduru mamuol kendo mang’won.