Jo-Efeso 4:18 - MUMA MALER 2015

¹⁸ Chunygi nie mudho, kendo gionge gi ngima ma Nyasaye chiwo, nikech gin joma kia, kendo tokgi tek ta.

Motingʼo Loko Manyien

¹⁸ Gin mudho odino pachgi, momiyo gipogore gi ngima mar Nyasaye nikech kia margi mawuok e chunygi.

Jo-Efeso 4:18 ပူးပေါင်းရင်းမြစ်များ

Zaburi 74:20

to par singruok mane itimo kodwa. Kuonde duto motimo mudho e piny opong’ gi timbe mahundu.

Isaya 25:7

Ewi godni ema Ruoth Nyasaye nogolie kanik moumo wang’ ogendini duto.

Ezekiel 14:5

Kamano ageno ni kum ma abiro kumogigo biro miyo giduogo ira, kata obedo ni giseweya ka gilamo nyiseche manonogo.

Daniel 5:20

To nikech ne odoko jasunga ma wiye tek kendo ma jakwinyo, ne omaye lochne kaachiel gi duong’ne.

Tim jo-Lawi 11:16

gi udo gi nyatawo gi okok kod kit olith duto,

Mathayo 13:15

nimar chuny ogandani osedoko mapek, kendo gisedino itgi, bende giseumo wang’gi. To ka da ni ok kamano, to dikoro gineno, kendo dikoro itgi winjo wach, bende dikoro wach donjonigi, mi gilokre, giduog ira, kendo achanggi.’

Mariko 3:5

Kane Yesu oneno ka chunygi tek, chunye nodoko malit, mi orangogi gi mirima. Eka nowacho ni ng’atno niya, “Rie lweti.” Ng’atno norieyo lwete, mi lwete ochango.

Johana 12:40

“Nyasaye oseimo wang’gi, kendo osemiyo wigi odoko mapek. Ka dine ok otimo kamano, to dikoro gineno gi wengegi, kendo dikoro giparo gi wigi, mi gilokre mondo ochanggi.”

Tich Joote 17:30

Nyasaye ne ok odewo richo mane ji osebedo ka timo e ndalo mane ok ging’eyo dwarone. To koro osegolo chik ni ji duto kuonde duto, mondo olokre owe richogi,

Tich Joote 3:17

Eka Petro nodhi nyime kowacho ni, “To koro un jowetena, ang’eyo ni un kaachiel gi jodongu, ne utimo ni Yesu kamano ka ok ung’eyo gima utimo.

Jo-Rumi 1:28

Ne gidagi yie Nyasaye, omiyo Nyasaye nojwang’ogi, mi parogi olal, kendo gitimo gik ma ok onego gitim.

Jo-Rumi 11:25

Owetena, wach moro mopondo nitie e wachni ma adwaro mondo ung’e, nikech dipo ka uparo ni uriek. Wachno chalo kama: Bath jo-Israel konchiel chunygi osedoko matek, to mano biro dhi nyime nyaka kar romb joma ok jo-Yahudi ma Nyasaye dwaro, yud warruok.

Jo-Rumi 11:7

To koro nadi? Waneno ni gima jo-Israel osebedo ka dwaro, pok giyudo, to joma nok kuomgi mane oyier ema oseyude. Jomoko duto to ne omi chunygi odoko matek mondo kik winj gima Nyasaye dwaro,

Jo-Rumi 2:19

Bende iwacho ni ing’eyo chutho ni in jatend muofni, kendo ni in e ler ni joma ni e mudho,

1 Jo-Korintho 1:21

To Nyasaye nochano gi riekone ni dhano ok nyal ng’eye gi riekone owuon, nikech ne odwaro ni mondo fuwo mar wach mwalando ema mondo obed yo ma owarogo joma oyie.

1 Jo-Korintho 2:8

Onge kata achiel kuom jotend pinyni mane ong’eyo riekono, nikech ka dine bed ni ging’eye, to dine ok giguro Ruodh duong’ e msalaba.

2 Jo-Korintho 3:14

To chutho chuny jo-Israel nodinore, nikech nyaka chil kawuono chunygi pod oum gi rageng’no ka isomo Muma Machon, nimar rageng’no igolo mana ka ng’ato ni kuom Kristo.

2 Jo-Korintho 4:4

Gin joma ok yie, ma nyasach pinyni osedino chunygi, mondo kik gine ler ma Wach Maber manyiso ji duong’ maler mar Kristo, ma en owuon e kido mar Nyasaye.

Jo-Galatia 4:8

E kinde machon ne ok ung’eyo Nyasaye, omiyo ne un wasumbini mag gik moko ma ok nyiseche kata matin.

Jo-Efeso 2:1

Chon ne un joma otho nikech kethou kod richou.

Jo-Efeso 2:12

Bende paruru ni e kindego ne uonge gi Mesia. Ne ok un e kanyakla mar oganda jo-Israel. Kamano ne ok un kuom joma Nyasaye otimogo winjruok, kosingore ni obiro guedhogi, kendo ne udak e pinyni ka uonge gi geno, kendo ka uonge gi Nyasaye.

Jo-Kolosai 1:21

Chon un ne un mabor gi Nyasaye, kendo ne un wasike, nikech timbe manono mane utimo, kendo uparo.

1 Jo-Thesalonika 4:5

Kik umi gombou thuolo kaka joma ok oyie Nyasaye timo.

Jo-Hibrania 5:2

Ginyalo dembo joma kia kod joma orwenyo, nikech gin giwegi bende nyawo obembogi e yore mang’eny.

Jo-Hibrania 9:7

Hema mar ariyo to jadolo maduong’ kende ema donjoe nyadichiel higa ka higa. To bende ok onyal donjo kanyo ka oonge gi remo ma ochiwo mondo obed misango mopwodhogo richone owuon, kendo mopwodhogo richo ma oganda otimo ka ok ong’eyo.

Jakobo 4:4

Un joma ok rit singruok mana ka mon moweyo chwogi! Donge ung’eyo ni ka uhero piny, to un wasik Nyasaye?

1 Petro 1:14

Luoruru Nyasaye kubedo ka nyithindo ma winjo wach, kendo kik uyie gombo mane un-go e ndalo moko kane pod ukia Nyasaye chak telnu e ngimau.

1 Johana 2:11

To ng’at mamon gi wadgi nie mudho, kendo wuotho e mudho. Ok ong’eyo kuma odhiye, nikech mudho oimo wang’e.