Jo-Efeso 3:9 - MUMA MALER 2015

⁹ Bende nomiya tich mar miyo ji duto ng’eyo kaka weche mopondo mag Nyasaye tiyo. Nyaka nene, Nyasaye ma Jachuech gik moko duto nopando wachne ni tienge machon duto,

Motingʼo Loko Manyien

⁹ kendo mondo anyis ji duto ongʼe maler tichna kuom wach mopondoni, mosebedo kopandi kuom Nyasaye mane ochweyo gik moko duto e higni mokalo.

Jo-Efeso 3:9 ပူးပေါင်းရင်းမြစ်များ

Zaburi 33:6

Ruoth Nyasaye nogolo chik, mi polo olosore, kendo ne owuoyo, mi wang’chieng’ gi due kod sulue obetie.

Isaya 44:24

Ruoth Nyasaye ma jawaru, kendo mane ochueyou e ich, wacho kama: “An e Ruoth Nyasaye mane ochueyo gik moko duto. Ne ayaro polo awuon, kendo ne aloso piny kenda.

Mathayo 10:27

Gima awachonu e mudho, wachuru e lela, kendo gima okuodhnu e itu, to huluru ratiro.

Mathayo 13:35

Mano notimore mondo gima ne janabi owacho otimre. Janabino nowacho ni, “Anawuo kodgi mana gi ngeche, ka anyisogi gik mosebet kopondo nyaka ne piny chakre.”

Mathayo 25:34

Eka nowachi ni joma ni e bade korachwich niya, ‘Biuru, un joma Wuora oseguedho, mondo ukaw piny moseiknu chakre chwech piny,

Mathayo 28:19

omiyo dhiuru ulok ogendini duto jopuonjrena, kubatisogi e nying Wuoro gi Wuowi gi Roho Maler,

Luka 24:47

mondo wach loko chuny olandi ni ogendini duto, chakre Jerusalem, mondo owenigi richogi e nyinge.

Johana 10:30

Wan gi Wuora wan gimoro achiel.”

Johana 5:17

To Yesu nodwokogi niya, “Wuora pod tiyo nyaka chil kawuono, kendo an bende atiyo mana kamano.”

Johana 5:19

To Yesu nodwokogi niya, “Adier, adier awachonu ni, Wuowi ok nyal timo gimoro kende owuon, to otimo mana gima oneno ka Wuoro timo, nikech gima Wuoro timo, ema Wuowi bende timo.

Tich Joote 15:18

Ruoth Nyasaye mane ohulo wechego chon ema owacho kamano.’ ”

Jo-Rumi 11:25

Owetena, wach moro mopondo nitie e wachni ma adwaro mondo ung’e, nikech dipo ka uparo ni uriek. Wachno chalo kama: Bath jo-Israel konchiel chunygi osedoko matek, to mano biro dhi nyime nyaka kar romb joma ok jo-Yahudi ma Nyasaye dwaro, yud warruok.

1 Jo-Korintho 2:7

To rieko ma wapuonjo en rieko mopondo mar Nyasaye mapok ofwenyre. En rieko mopand ni ji, mane Nyasaye osechanonwa chon kane pok ochue piny, mondo wayud duong’.

Jo-Efeso 1:4

Kuom herane, noyierowa kuom Kristo kapok ochue piny, mondo wabed maler kendo maonge mbala e nyime.

Jo-Efeso 3:2

Ang’eyo ni usewinjo kaka Nyasaye osemiya tich mar landonu Wach Maber kuom ng’wonone,

Jo-Efeso 6:19

An bende lemnauru mondo ka awuoyo, to Nyasaye omiya wach ma onego awachi, mondo awuo gi chir, ka ahulo Wach Maber mosebedo wach mopondo,

Jo-Kolosai 1:23

To nyaka usik e yie ma un-gono ka uchung’ motegno e mise, ma ok uyiengni uweyo geno mane ubedogo kane uwinjo Injili. En e Wach Maber ma oselandi ni chuech duto e piny ngima, kendo an Paulo ne oketa mondo abed jatich wach maberno.

Jo-Kolosai 1:26

En wach mane osebedo kopandi nyaka nene ni tienge mathoth kuom higni mang’eny, to koro oseele ni jo-Nyasaye.

Jo-Kolosai 3:3

nikech usetho, kendo ngimau koro osepand gi Kristo kuom Nyasaye.

Jo-Kolosai 4:3

To wan bende lemnwauru kukwayo Nyasaye mondo oyawnwa dhoot, waland wachne, ma en wach mopondo man kuom Kristo, momiyo anie tuech.

2 Jo-Thesalonika 2:13

Un owetewa ma Ruoth ohero, nyaka wago ni Nyasaye erokamano pile nikech un, nimar un ema Nyasaye noyierou nyaka a chakruok mondo uyud warruok, ka opuodhou gi Roho, kendo kuom yie ma un-go kuom adiera.

1 Timotheo 3:16

Chutho, mano kaka adiera mar yie mwapuonjo duong’ ahinya! Owacho niya, “Kristo nobiro e ringruok ka dhano. Roho ne onyis ni oonge gi ketho. Malaika ne onene. Ne oland nyinge e kind ogendini. Ji ne oyie kuome e piny ngima Ne otere malo e duong’.”

2 Timotheo 1:9

Nyasaye nowarowa kendo oluongowa mondo wabed joge owuon, ok nikech gimoro maber ma wasetimo, to mana nikech mano ema nodwaro kuom ng’wonone. Nyaka nene ne omiyowa ng’wononeno kuom Kristo Yesu.

2 Timotheo 4:17

Ruoth ne ochung’ buta momiya teko mondo aland Wach Maber chuth, mondo ji duto ma ok jo-Yahudi owinj Wach Maber. Kamano ne oresa e dho sibuor.

Tito 1:2

kuom geno yudo ngima mochwere, mane Nyasaye, ma ok riambi osesingore chon ni nomiwa.

1 Petro 1:20

Nyasaye ne oseyiere chon kane pok ochue piny, to ne ofwenye ni ji e ndalo mogikni nikech un,

Fweny 13:8

Ji duto modak e piny lame, mak mana jogo ma nyinggi ondiki e kitap ngima mar Nyarombo mane onegi, chakre chuech piny.

Fweny 14:6

Eka ne aneno malaika moro ka huyo e kor polo. Ne en gi Wach Maber mochwere mondo oland ni joma odak e piny. Nolando wachno ni pinje duto, kod ogendini duto.

Fweny 17:8

Ondiek mane inenono, yande nitie, to tinde oonge. To obiro wuok e Bur Matut Maonge Gikone mi tieke. Ji duto modak e piny, ma nyinggi ok ondiki e kitap ngima chakre chuech piny, nowuor ka gineno ondiegno, nimar yande entie, to tinde oonge, to nochak oduog kendo.

Fweny 4:11

“A Ruodhwa kendo Nyasachwa! Owinjore miyi duong’ gi pak kod teko, nikech in ema nichueyo gik moko duto. Adier, in ema ne imiyo ochuegi, kendo gisiko gintie.”