Jo-Efeso 3:19 - MUMA MALER 2015

¹⁹ Adier, akwayo mondo ung’e herane modhiero rieko duto ng’eyo, mondo Nyasaye opong’ chunyu chuth gi gik moko duto momiyo ubedo kaka en.

Motingʼo Loko Manyien

¹⁹ Alamo mondo ungʼe hera modhiero ngʼeyo gi rieko duto, eka upongʼ gi kit Nyasaye duto.

Jo-Efeso 3:19 ပူးပေါင်းရင်းမြစ်များ

Zaburi 17:15

An to, ananeni nikech in ng’at makare, kendo ka achiew, to chunya nopong’ gi ilo, nikech ananwang’ ka in koda.

Zaburi 43:4

Bang’e anadhi e kendoni mar misango, A Nyasaye. Anapaki gi thum, yaye Nyasaye ma Nyasacha.

Mathayo 5:6

“Joma kech gi riyo mar dwaro tim makare oloyo gin johawi, nikech giniyud gima gidwaro.

Johana 1:16

Waduto waseyudo gueth mathoth moa kuom ng’wonone mogundho,

Johana 17:3

Ka ng’ato ong’eyi, in Nyasaye ma achiel kende, kendo ong’eyo Jal mane ioro, ma en Yesu Kristo, to en gi ngima ma nyaka chieng’.

Jo-Rumi 8:35

Ang’o ma dipogwa gi hera ma Kristo oherowago? Dobed masira, koso chandruok, koso sand, koso kech, koso duk, koso himruok, koso tho?

Jo-Rumi 8:39

kata gik manie wiwa malo kata gik manie bwowa piny, kata gimoro amora manadi mochue. Adier, onge gima nyalo pogowa gi hera mar Nyasaye, moherowago kuom Kristo Yesu Ruodhwa.

2 Jo-Korintho 5:14

nimar hera mar Kristo oloyowa chuth. Waseng’eyo malong’o ni ng’at achiel notho ni ji duto, omiyo ji duto bende ne otho.

Jo-Galatia 2:20

mi koro ok an ema angima, to Kristo ema ngima e iya, kendo ngima ma koro an-goni, an-go mana nikech yie ma ayiego kuom Wuod Nyasaye, mane ohera, mi ochiwo ngimane nikech an.

Jo-Efeso 1:23

Kanyakla mar joma oyie kuom Kristo en ringre Kristo, kendo ka ringruok oriwore gi wich, to Jal mamiyo gik moko duto chopo kare, bende chopo kare en owuon!

Jo-Efeso 3:18

mondo un, kaachiel gi jo-Nyasaye duto, ung’e hera mar Kristo, ma lachne, gi borne, kod borne modhi malo, kod tutne ok nyal ng’ere.

Jo-Efeso 5:2

Beduru gi hera, mana kaka Kristo noherowa, mi ochiwonwa ngimane obedo misango madum tik mamit ni Nyasaye.

Jo-Efeso 5:25

Un chwo, heruru mondu mana kaka Kristo nohero kanyakla mar joma oyie kuome, mochiwo ngimane nikech en.

Jo-Filipi 1:7

En kare mondo apar kamano kuomu uduto, nikech aherou ahinya, kendo nikech uduto uriworu koda e ng’wono ma Nyasaye osemiya mar bedo e tuech, kendo mar temo siro adiera mar Injili kendo jiwo.

Jo-Filipi 4:7

Eka kue mar Nyasaye modhiero ji ng’eyo norit chunyu gi parou, kubedo kuom Kristo.

Jo-Kolosai 1:10

Kamano unudag e ngima mamiyo Ruoth duong’, kendo unutim gik malong’one e yore duto, kunyago olemo mag timbe mabeyo duto, kendo kumedo ng’eyo Nyasaye.

1 Petro 1:8

Kata obedo ni pok uneno Yesu, to pod uhere ahera, bende kata obedo ni ok unene sani, to pod uyie ayiea kuome, kendo upong’ gi mor maduong’ mokadho awacha,

2 Petro 3:18

To donguru kuom ng’wono, kumedo ng’eyo Ruodhwa kendo Jawarwa Yesu Kristo. Duong’ obedne kawuono kendo nyaka chieng’. Amin.