Jo-Efeso 3:18 - MUMA MALER 2015

¹⁸ mondo un, kaachiel gi jo-Nyasaye duto, ung’e hera mar Kristo, ma lachne, gi borne, kod borne modhi malo, kod tutne ok nyal ng’ere.

Motingʼo Loko Manyien

¹⁸ mondo omi un kaachiel gi jomaler duto ungʼe hera mar Kristo, ma lachne, gi borne, kod borne modhi malo kod tutne odhiero dhano ngʼeyo.

Jo-Efeso 3:18 ပူးပေါင်းရင်းမြစ်များ

2 Weche mag Ndalo 6:41

A Ruoth Nyasaye, mi jodoloni obed joma owar adier, kendo jogi molwori mondo obed mamor nikech iguedhogi.

Zaburi 103:17

To hera ma Ruoth Nyasaye oherogo joma oluore osiko nyaka chieng’, bende ng’wonone ochwere kuom tienge duto

Zaburi 116:15

Mano kaka lit ni Ruoth Nyasaye ka ng’ate moro otho!

Zaburi 132:9

Onego jodolo bed joma kare, kendo jogi duto onego ogo mahu gi mor.

Zaburi 139:6

Ng’ech ming’eyago lich miwuoro! Chutho, otut ma ok anyal winjo tiende.

Zaburi 145:10

Kuom mano, A Ruoth Nyasaye, chuechni duto biro paki, kendo jogi biro goyoni erokamano.

Isaya 55:9

nimar kaka polo bor moyombo piny, e kaka yorena bende boyo moyombo mau, kendo e kaka parona bende boyo moyombo parou.

Zekaria 14:5

Unutony kuluwo hohono, nimar enochwe nyaka dhoranga dala. Adier, unutony kaka jou notony higni mang’eny mokadho, ka giringo yiengni piny mane otimore e ndalo Uzia ruodh Juda. Bang’e Ruoth Nyasaye ma Nyasacha nobi kaachiel gi malaika mage duto.

Johana 15:13

Onge hera maduong’ ma ng’ato nyalo herogo osiepne, moloyo chiwonigi ngimane.

Jo-Rumi 10:3

nikech pok ging’eyo yo ma Nyasaye miyogo ji bet e winjruok kode, to gise mana temo loso yorgi giwegi. Kamano ne ok giyie luwo yo ma Nyasaye miyogo ji bet e winjruok kode.

2 Jo-Korintho 13:13

Ng’wono mar Ruoth Yesu Kristo, gi hera mar Nyasaye, gi achiel ma wan-go kuom Roho Maler obed kodu uduto.

Jo-Galatia 2:20

mi koro ok an ema angima, to Kristo ema ngima e iya, kendo ngima ma koro an-goni, an-go mana nikech yie ma ayiego kuom Wuod Nyasaye, mane ohera, mi ochiwo ngimane nikech an.

Jo-Galatia 3:13

To Kristo nowarowa kuom kuong’ ma Chik kelo, kane odoko ng’ama okuong’ nikech wan, nimar Muma wacho niya, “Okuong’ ng’ato ang’ata ma olier e yath.”

Jo-Efeso 1:10

Osechano mondo oriw gik moko duto manie polo kod manie piny obed e achiel kuom Kristo.

Jo-Efeso 1:15

Mano emomiyo kane awinjo wach yie ma un-go kuom Ruoth Yesu, kod hera muherogo jo-Nyasaye duto,

Jo-Efeso 3:19

Adier, akwayo mondo ung’e herane modhiero rieko duto ng’eyo, mondo Nyasaye opong’ chunyu chuth gi gik moko duto momiyo ubedo kaka en.

Jo-Kolosai 1:4

nikech wasewinjo yie ma un-go kuom Yesu Kristo, kod hera muherogo jo-Nyasaye duto.

1 Timotheo 3:16

Chutho, mano kaka adiera mar yie mwapuonjo duong’ ahinya! Owacho niya, “Kristo nobiro e ringruok ka dhano. Roho ne onyis ni oonge gi ketho. Malaika ne onene. Ne oland nyinge e kind ogendini. Ji ne oyie kuome e piny ngima Ne otere malo e duong’.”

Fweny 3:21

To ng’at molocho anami bed koda e kom duong’na, mana kaka an bende ne alocho, mi abet kod Wuora e kom duong’ne.