Jo-Efeso 2:8 - MUMA MALER 2015

⁸ Ne uyie kuome mi oresou mana kuom ng’wonone, to ok kuom gik mane utimo un uwegi. En mana mich mar Nyasaye!

Motingʼo Loko Manyien

⁸ Nikech kuom ngʼwono, useyudo warruok kuom yie, to ok nikech tim maber moro amora musetimo. En mich ma Nyasaye chiwo nono,

Jo-Efeso 2:8 ပူးပေါင်းရင်းမြစ်များ

Mathayo 16:17

Yesu nowachone niya, “Simon wuod Jona, in jahawi ahinya! Dhano ok ema osefwenyni wachni, to mana Wuora mae polo ema osefwenyonigo.

Mathayo 20:9

Kuom mano, joma ne ochako tich sa apar gachiel mar odhiambo nobiro, moyudo siling’ achiel achiel.

Mariko 16:16

Ng’ama oyie kendo obatisi, nokwo, to ng’ama ok oyie, bura nolo.

Luka 7:50

To Yesu nowacho ni dhakono ni, “Yieni oseresi, omiyo dhi gi kue.”

Johana 3:36

Ng’at moyie kuom Wuowi nigi ngima ma nyaka chieng’. To ng’at ma ok owinjo Wuowi ok none ngimano ngang’, to mirimb Nyasaye osiko kuome.

Johana 4:10

Yesu nodwoke niya, “Ka da ing’eye mich mar Nyasaye, kendo ing’e jal makwayi pi mondo omodhini, to in ema da ikwaye pi, mi da omiyi pi mangima.”

Johana 5:24

Adier awachonu ni ng’ama owinjo wachna, mi oyie kuom Jal mane oora, nigi ngimaa ma nyaka chieng’, ng’at ma kamano ok ter e bura, to osea e tho, odonjo e ngima.

Johana 6:35

To Yesu nodwokogi ni, “An e kuon mar ngima, kendo ng’ama obiro ira ok nowinj kech nyaka chieng’, bende ng’at moyie kuoma riyo ok nochak olo ngang’.

Johana 6:37

Ji duto ma Wuoro omiya nobi ira, kendo ng’ato ang’ata mobiro ira ok nariemb ngang’,

Johana 6:40

Adier, Wuora dwaro ni mondo ng’ato ang’ata moneno Wuowi, mi oyie kuome, oyud ngima ma nyaka chieng’; kendo anachiere chieng’ giko piny.”

Johana 6:44

Onge ng’ama nyalo biro ira mak mana ka Wuoro mane oora ema okele; kendo anachiere chieng’ giko piny.

Johana 6:65

Eka nomedo wacho niya, “Mano ema omiyo ne awachonu ni ng’ato ok nyal biro ira ka ok Wuora ema omiyo obiro.”

Tich Joote 13:39

Bende nyaka ung’e ni ng’ato ka ng’ato moyie kuome, to owene richone duto mane Chik Musa otueyo.

Tich Joote 14:27

Kane gichopo Antiokia, ne gichoko jo-Kristo duto kaachiel, mi ginyisogi gik moko duto mane Nyasaye osemiyo gitimo, kendo kaka noseyawo yo ma joma ok jo-Yahudi mondo odok joma oyie kuom Kristo.

Tich Joote 15:11

Ooyo, wayie ni kaka iwarowa kuom ng’wono mar Ruoth Yesu, e kaka gin bende iwarogi.”

Tich Joote 16:14

Achiel kuom joma ne winjowa ne dhako moro moa Thuatira, ma nyinge Ludia. Ne en dhako moluoro Nyasaye, kendo ne en johand nengni makwar ma nengogi tek. Ruoth noyawo chunye mondo owinj weche mane Paulo wacho.

Tich Joote 16:31

Ne gidwoke ni, “Yie kuom Ruoth Yesu, eka inikwo, kaachiel gi joodi.”

Jo-Rumi 10:14

To ere kaka ji nyalo lame, ka ok giyie kuome? Koso ere kaka digiyie kuom Jal ma pok giwinjo wachne? Koso digiwinj ni entie nadi, ka ng’at malandonigi wach onge?

Jo-Rumi 10:17

Kuom mano yie a kuom winjo. To gima iwinjo en Wach Maber mawuoyo kuom Kristo.

Jo-Rumi 4:16

Gimomiyo yie nyaka bedie en ni mondo gik moko duto oyud nono kuom ng’wono, kendo singruok obed gi teko ni koth Ibrahim duto, ok mana ni joma rito Chik kende, to bende ni mago ma oyie mana kaka Ibrahim e wuonwa waduto,

Jo-Rumi 4:5

To ka ng’ato ok ogeno kuom gimoro mosetimo, to oyie mana kuom Nyasaye mamiyo joma richo bet e winjruok kode, to yieneno ema ikwano ka gima omiyo obet e winjruok gi Nyasaye.

Jo-Rumi 9:16

Emomiyo ok en wach gima ng’ato dwaro kata gima ng’ato timo momiyo Nyasaye yiere, to en mana wach ng’wono mar Nyasaye owuon.

Jo-Galatia 3:14

Gigo notimore kamano mondo gueth mane Nyasaye osingore ni Ibrahim obi ni joma ok jo-Yahudi kuom Kristo Yesu, kendo mondo wayud Roho mane Nyasaye osingore ni nochiw ni joma oyie.

Jo-Galatia 3:22

To Muma osewacho ni piny duto nie bwo loch mar richo, mondo singruok motenore kuom yie kuom Kristo omi mana joma oyie.

Jo-Efeso 1:19

bende mondo ung’e teko maduong’ matiyo kuomwa, wan joma oyie kuome. Mano e teko maduong’

Jo-Efeso 2:10

Wan chuech manyien mar Nyasaye. Nochueyowa kuom Kristo Yesu mondo wabed joma timo timbe mabeyo, mane Nyasaye owuon oikonwa mondo watim.

Jo-Efeso 2:5

nimar kata obedo ni ne wan joma otho kamano nikech richowa, to nomiyo wadoko mangima kaachiel gi Kristo. Ng’wonone ema omiyo oseresou!

Jo-Filipi 1:29

Nyasaye onyisou ni oherou, ok mana nikech osemiyo uyie kuom Kristo kende, to nikech osemiyo uneno masira bende nikech en.

Jo-Kolosai 2:12

nikech kane obatisu, to gik moko ariyo notimore: ne oyiku e liel gi Kristo, kendo ne ochieru bende gi Kristo, nikech uyie kuom teko mar Nyasaye mane ochiero Kristo oa kuom joma otho.

2 Jo-Thesalonika 1:9

Giniyud kum ma en lal ma nyaka chieng’, koriembgi mabor gi tekone man gi duong’.

Jo-Hibrania 6:4

Joma yande ler oserieny e chunygi, mi obilo mich mar polo, kendo opognigi Roho Maler,

1 Petro 1:5

Adier obiro ritou nyaka chop warruok, ma oselosi mondo oel e chieng’ giko, bi.