Jo-Efeso 2:11 - MUMA MALER 2015

¹¹ Paruru ni ne un joma ok jo-Yahudi kuom anywola. Chutho, jogo mong’ere kaka joma oter nyangu nikech gima otim gi lwedo e ringregi, ne luongou ni joma ok oter nyangu.

Motingʼo Loko Manyien

¹¹ Kuom mano paruru ni chon ne un joma ok jo-Yahudi kuom nywol kendo ne iluongou ni “joma ok oter nyangu” gi jogo maluongore ni “oter nyangu” (mano motim e ringruok gi lwet ji);

Jo-Efeso 2:11 ပူးပေါင်းရင်းမြစ်များ

Ezekiel 20:43

Bang’e unupar timbeu maricho mane udhogorugo, mi unucharu kendu nikech richo mane utimogo.

Ezekiel 36:31

Unupar timbe mamono mane utimo, mi unucharu kendu nikech richou kod timbeu makuero.

Mathayo 20:7

Ne gidwoke ni, ‘Wobudho ka nikech onge ng’at mosemiyowa tich’. Eka nowachonigi niya, ‘Kara, un bende dhiuru e puotha mar mzabibu’.

Jo-Rumi 11:17

En adier ni Nyasaye oserwakou un joma ok jo-Yahudi, mi ubedo joge, kendo uyudo gueth kaachiel gi jo-Yahudi. To rwakuno chalo mana gi bede yadh zeituni mong’ad oko, eka ochom bad yadh zeituni ma thim kargi, ma koro yudo chiembe koa e tiend yath kaachiel gi bede mamoko.

Jo-Rumi 2:26

Kamano bende, ka ng’at ma ok ja-Yahudi, kendo ma ok oter nyangu, omako Chik, to Nyasaye nokwane ka ka ng’at moter nyangu.

Jo-Rumi 2:27

To in ja-Yahudi moter nyangu kendo man gi Chik mondiki kamano, to pod ikethe aketha, to gin, kata obedo ni ok otergi nyangu, to girito Chik?

1 Jo-Korintho 12:2

Ung’eyo ni kane pok uyie kuom Kristo, ne iterou ir nyiseche manono mamomni, mi ulal.

1 Jo-Korintho 6:11

To kamano e kaka moko kuomu ne chalo! To koro osepwodhu kuom richo, kendo owalu ubed jo-Nyasaye, bende osemi ubet e winjruok gi Nyasaye e nying Ruoth Yesu Kristo, kendo kuom teko mar Roho mar Nyasachwa.

Jo-Galatia 2:15

Chutho, wan wawegi nonywolwa jo-Yahudi, kendo ok wan joogendini mamoko ma joricho.

Jo-Galatia 6:12

Jogo madwaro doko malong’o kapakore kuom tim ringruok, e joma temo chunou mondo oteru nyangu. To gitimo kamano mana ni mondo kik giyud sand ma digiyudo ka gilando wach msalap Kristo.

Jo-Efeso 2:2

E ndalogo, yore richo ema ne uwuothoe, kuluwo timbe mag pinyni. Ne uwinjo wach ruodh teko mar kind polo gi piny, ma en chuny ma koro tiyo kuom joma otamore yie kuom Nyasaye.

Jo-Efeso 5:8

Chon ne un jomudho, to koro, kaka usedoko jo-Ruoth, un joler. Omiyo nyaka uwuoth ka joma nie ler,

Rapar mar Chik 15:15

Paruru ni ne un wasumbni e piny Misri, to Ruoth Nyasaye ma Nyasachu noresou. Mano emomiyo amiyou chikni.

Rapar mar Chik 16:12

Paruru ni ne un wasumbni e piny Misri. Mano emomiyo nyaka une ni urito chikego.

Rapar mar Chik 5:15

Paruru malong’o ni un uwegi ne un wasumbni e piny Misri, to Ruoth Nyasaye ma Nyasachu nogolou kuno gi teko mathoth kod bat morie. Mano emomiyo Ruoth Nyasaye ma Nyasachu nochikou ni mondo urit Sabato.

Rapar mar Chik 8:2

Paruru wuoth mabor mane Ruoth Nyasaye ma Nyasachu otelonue kuom higni piero ang’wen ka un e thim. Nodwokou piny kotemougo, mondo ong’e ane ka unyalo rito chikene adier.

Rapar mar Chik 9:7

“Paruru ma wiu ok owil kaka numiyo Ruoth Nyasaye ma Nyasachu mirima e thim, chakre chieng’ mane uwuokie Misri nyaka chieng’ mane uchopoe ka, usebedo kutamoru winjo Ruoth Nyasaye.

Jo-Filipi 3:3

To wan ma Roho Maler ema otelonwa kuom lamo Nyasaye, wan e joma oter nyangu adier, kendo sungawa ni kuom Kristo Yesu. To ok waketo genowa kuom tim ringruok.

Jo-Kolosai 1:21

Chon un ne un mabor gi Nyasaye, kendo ne un wasike, nikech timbe manono mane utimo, kendo uparo.

Jo-Kolosai 2:11

Kane uyie kuom Kristo to noteru nyangu, to ok nyangu mar ringruok, to nyangu mar Kristo, ma en lonyo kit dhano machon matimo richo,

Jo-Kolosai 2:13

Kata obedo ni chon ne un joma otho gi chunyu nikech richou, kendo nikech ne un joma ok jo-Yahudi, tiende ni joma ok ter nyangu, to Nyasaye koro osemiyo udoko mangima kaachiel gi Kristo. Adier, noweyonwa richowa duto!

Jo-Kolosai 3:11

E ngimau manyienni, onge ja-Yahudi kata ng’ama ok ja-Yahudi; onge ng’ama oter nyangu kata ng’ama ok oter nyangu. Kendo onge misumba kata ng’ama ni thuolo. Bende onge ng’ama ok osomo gi jamaranda. To Kristo en duto kendo kuom duto.

1 Samuel 17:26

Daudi nopenjo joma nochung’ bute niya, “Ang’o ma ibiro timo ni ng’at ma nyalo nego ja-Filistia cha, kogolo wichkuot kuom jo-Israel? Ja-Filistia ma ok oter nyanguno en ng’a, ma dothian ni ogend Nyasaye mangima?”

1 Samuel 17:36

Asenego sibuoche gi ondiegi, omiyo ja-Filistia ma kia Nyasayeno bende biro tho mana ka ondiegigo, nikech othiano ni ogend Nyasaye mangima.”