Jo-Efeso 2:1 - MUMA MALER 2015

¹ Chon ne un joma otho nikech kethou kod richou.

Motingʼo Loko Manyien

¹ Un to ne utho e timbeu ma ok kare kod richou,

Jo-Efeso 2:1 ပူးပေါင်းရင်းမြစ်များ

Chakruok 8:21

Kane Ruoth Nyasaye owinjo suya mamit, nowacho e chunye niya, “Timbe dhano ok nomi akuong’ piny kendo, nikech aneno ni paro mag dhano richo, chakre nywolne. Bende ok nachak atiek gik mangima kaka asetimoni.”

Mathayo 8:22

Yesu to ne odwoke ni, “We joma otho oyik jogi motho. In to luwa!”

Luka 15:24

nikech wuodani ne osetho, to koro ongima kendo ne olal, to koro onwang’e.’ Kamano ne gichako timo nyasi ka gimor.

Luka 15:32

To owinjore wachiem kendo wabed mamor, nikech owaduni yandi otho, to koro ongima, kendo yande olal, to koro onwang’e.’ ”

Johana 10:10

Jakuo biro mana ni mondo okwel, kendo oneki, kendo oketh gik moko. Anto asebiro ni mondo ji oyud ngima kendo obed ngima moromo chuth.

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Johana 5:21

Kaka Wuoro chiero joma otho, komiyo ngima, e kaka Wuowi bende yiero joma odwaro, kendo omiyo ngima.

Johana 5:25

“Adier, adier, awachonu ni, kinde biro ma joma otho nowinjie duond Wuod Nyasaye, kendo ji duto ma owinjo dwolno nodok mangima. Adier, kindeno ose mana chopo.

Jo-Rumi 8:2

nikech ka ng’ato ni kuom Kristo, to chik mar Roho makelo ngima osegonye kuom chik makelo richo kod tho.

1 Jo-Korintho 15:45

Mano emomiyo Muma wacho niya, “Adam, dhano mokwongo, nodoko ng’at man gi ngima, to Adam ma achien nodoko Roho machiwo ngima.”

2 Jo-Korintho 5:14

nimar hera mar Kristo oloyowa chuth. Waseng’eyo malong’o ni ng’at achiel notho ni ji duto, omiyo ji duto bende ne otho.

Jo-Efeso 4:18

Chunygi nie mudho, kendo gionge gi ngima ma Nyasaye chiwo, nikech gin joma kia, kendo tokgi tek ta.

Jo-Efeso 5:14

nikech gima kite onenore malong’o e lela, lokore ler. Mano emomiyo iwero niya, “In ma inindo, chiew! Chier, ia kuom joma otho, mondo Kristo orieny kuomi.”

Jo-Kolosai 2:13

Kata obedo ni chon ne un joma otho gi chunyu nikech richou, kendo nikech ne un joma ok jo-Yahudi, tiende ni joma ok ter nyangu, to Nyasaye koro osemiyo udoko mangima kaachiel gi Kristo. Adier, noweyonwa richowa duto!

1 Timotheo 5:6

To chi liel mohero raha to osetho, kata obedo ni ongima.

1 Johana 3:14

Wang’eyo ni wasea e tho, mi wadonjo e ngima. Wangeyo kamano nikech wahero owete. Ng’at ma ok ohero wadgi to osiko e tho.

Fweny 3:1

“Ndik ni malaika mar kanyakla mar jo-Kristo man Sarde niya, ‘Weche mag Jal man gi Roho abiriyo mag Nyasaye, kod sulue abiriyo e magi: “ ‘Ang’eyo timbeni duto, bende ang’eyo ni in gi nying’ ni ingima, to kata kamano isetho.