Jo-Efeso 1:19 - MUMA MALER 2015

¹⁹ bende mondo ung’e teko maduong’ matiyo kuomwa, wan joma oyie kuome. Mano e teko maduong’

Motingʼo Loko Manyien

¹⁹ kod tekone maduongʼ mokalo apima mosemiyowa wan joma oyie. Tekoneno nyiso tich mar tekre maduongʼ,

Jo-Efeso 1:19 ပူးပေါင်းရင်းမြစ်များ

Isaya 53:1

En ng’a moseyie wach mwalando? Koso ere ng’ama Ruoth Nyasaye osenyiso tekone?

Johana 3:6

Gima ringruok onywolo en mar ringruok, kendo gima Roho onyuolo en mar Roho.

Tich Joote 26:18

Iniyaw wang’gi, mi igolgi gia e mudho gidhi e ler, kendo gia e teko Satan, gidhi ir Nyasaye, mondo ka giyie kuoma to owenigi richogi, kendo gibed kaachiel gi joma Nyasaye oseyiero obed joge.’

Jo-Rumi 1:16

Aonge gi wich kuot moro amora kuom Wach Maber, nimar en e teko mar Nyasaye, mawaro ji duto moyie. Mokwongo nobiro ni jo-Yahudi, to bang’e nobiro ni joma ok jo-Yahudi bende.

2 Jo-Korintho 4:7

To wan ma wan gi mwandu mar chuny, wachalo mana agulini mag lowo, mondo onenre ni teko maduong’ ahinyano oa kuom Nyasaye, to ok oa kuomwa wawegi.

2 Jo-Korintho 5:17

Ka ng’ato obedo kuom Kristo to ochueye ng’ama nyien. Gik moko duto machon osekadho, kendo gik manyien osechopo.

Jo-Efeso 2:10

Wan chuech manyien mar Nyasaye. Nochueyowa kuom Kristo Yesu mondo wabed joma timo timbe mabeyo, mane Nyasaye owuon oikonwa mondo watim.

Jo-Efeso 3:20

Duong’ obed ni Nyasaye, manyalo timonwa gik moko duto moloyo kaka wakwayo kata kaka waparo, kuom tekone matiyo kuomwa.

Jo-Efeso 3:7

Nyasaye noketa jatich Wach Maber kuom mich mar ng’wonone mane omiya kuom tekone.

Jo-Efeso 6:10

To wach mogik en ni, beduru motegno kuom Ruoth, kendo kuom tekone maduong’.

Jo-Filipi 2:13

nikech Nyasaye owuon ema tiyo e chunyu, komiyou dwaro kendo timo gima long’one.

Jo-Filipi 3:21

Obiro kawo ringrewa manyap kendo matho, mi olok obed machal gi ringre owuon man gi duong’, kotiyo gi teko mamiyo oketo gik moko duto e bwo lochne.

Jo-Kolosai 1:29

Mano e gima achandora katiyone, ka teko maduong’ mar Nyasaye tiyo kuoma.

Jo-Kolosai 2:12

nikech kane obatisu, to gik moko ariyo notimore: ne oyiku e liel gi Kristo, kendo ne ochieru bende gi Kristo, nikech uyie kuom teko mar Nyasaye mane ochiero Kristo oa kuom joma otho.

1 Jo-Thesalonika 1:5

nikech kane wakelonu Injili, to ne ok wakele mana gi wach mar dhok, to ne wakele gi teko mar Roho Maler, mi uyie chuth. Bende ung’eyo kaka ne wachalo ka ne wan kodu Thesalonika. Adier, ne wabet kamano mana nikech un.

2 Jo-Thesalonika 1:11

Mano emomiyo walemonu pile, kwakwayo ni mondo Nyasachwa omi ubed joma owinjore gi ngima moluongoue, kotiyo gi tekone mondo ochop dwaro mabeyo duto ma un-go, kendo omi tichu duto, mutiyo nikech yie ma un-go, odhi maber.

Jakobo 1:18

Kuom dwarone owuon ne ochweyowa manyien kuom wach mar adiera, mondo wabed kaka olemo mokwongo nyak kuom chuechne duto.

1 Petro 4:11

Ka ng’ato en jaland wach, to wach mowacho nyaka bed mana Wach Nyasaye, kendo ka ng’ato tiyo ni ji, to mondo oti mana gi teko ma Nyasaye chiwo, mondo Nyasaye oyud duong’ kuom gik moko duto mutimo kuom Yesu Kristo. En e wuon duong gi teko nyaka chieng’. Amin.