Jo-Efeso 1:13 - MUMA MALER 2015

¹³ Kamano e kaka un joma ok jo-Yahudi bende ne uwinjo wach mar adiera, ma en Wach Maber mane okelonu warruok, mi uyie kuom Kristo, kendo Nyasaye nomiyou Roho Maler mane osingore ni nomiu, kaka ranyisi ni un joge.

Motingʼo Loko Manyien

¹³ To un bende nokwanu kaka joma oyie kane uwinjo wach mar adier ma en Injili mar warruok. Kane useyie kuome noketonu kido mar Roho Maler mane osingi,

Jo-Efeso 1:13 ပူးပေါင်းရင်းမြစ်များ

Zaburi 119:43

Miya teko mondo ahul wachni maradiera kinde duto, nikech genona ni kuom buche ming’ado.

Joel 2:28

“Bang’e naol Roho mara kuom ji duto. Yawuotu gi nyiu nokor wach, bende jou madongo nolek lek, kendo jou matindo none fweny.

Luka 11:13

Koro ka un joma richo kama, ema ung’eyo miyo nyithindu gik mabeyo, to Wuonu mae polo donge dibed mamor moloyo kuom chiwo Roho Maler ni joma okwaye?”

Luka 24:49

To bende ng’euru ni abiro oronu mich mane Wuora osingore ni nomiu, to beduru abeda Jerusalem nyaka chop uyud teko moa malo.”

Johana 1:17

nikech kata obedo ni Musa ema nokelonwa Chik, to Yesu Kristo ema nokelonwa ng’wono gi adiera.

Johana 14:26

to Jakony, ma en Roho Maler ma Wuoro biro ooro e nyinga, nopuonju gik moko duto, kendo nomi upar weche duto ma asewachonu.

Johana 15:26

“Abiro oronu Jakony koa kuom Wuoro. En Roho mar adiera moa kuom Wuoro. Ka osebiro to enonyisu wach kuoma.

Johana 3:33

To ka ng’ato oyie ni gima Jalo wacho en adier, to obiro ng’eyo malong’o ni Nyasaye en jaadiera.

Johana 6:27

Kik uti ni chiemo makethore, to tiuru mana ni chiemo mosiko, kendo makelo ngima ma nyaka chieng’. Wuod Dhano ema nomiu chiemono, nikech en ema Nyasaye Wuoro oseketo kido mare kuome, manyiso ni oyie kode.”

Tich Joote 1:4

Kane pod en kodgi kamano, nowachonigi ni, “Kik ua Jerusalem, to rituru mich mane Wuora osingonu, kendo mane usewinjo ka awuoyo kuome.

Tich Joote 13:26

“Un jowetena ma nyikwa Ibrahim, kaachiel gi ji mamoko moluoro Nyasaye, wan ema osekelnwa wach warruokni,

Tich Joote 2:33

Osechier mobet e bat korachwich mar Nyasaye, kendo oseyudo Roho Maler mane Wuoro osingore ni nomiye. To gik makoro uneno kendo uwinjogi gin mich mogundho momiyowa.

Jo-Rumi 1:16

Aonge gi wich kuot moro amora kuom Wach Maber, nimar en e teko mar Nyasaye, mawaro ji duto moyie. Mokwongo nobiro ni jo-Yahudi, to bang’e nobiro ni joma ok jo-Yahudi bende.

Jo-Rumi 4:11

To achien ne otere nyangu kaka ranyisi ni Nyasaye ne okwane ni en ng’at makare nikech yie mane en-go kane pok otere nyangu. Kuom mano, Ibrahim e wuon ji duto moyie kuom Nyasaye, kendo ma Nyasaye kwano ni joma kare, kata obedo ni ok otergi nyangu.

Jo-Rumi 6:17

To wagoyo ni Nyasaye erokamano nikech kata obedo ni yande un wasumb richo, to koro urito puonj mane omiu gi chunyu duto.

2 Jo-Korintho 1:22

kendo oketo kido mare kuomwa, kendo omiyowa Roho mondo odag e chunywa kaka mich mokwongo mar gueth ma wabiro yudo achien.

2 Jo-Korintho 6:7

gi lando wach adiera, kendo gi teko mar Nyasaye. Wamako tim makare ka gilweny mwamonjogo wasigu, kendo mwaritorego.

Jo-Galatia 3:14

Gigo notimore kamano mondo gueth mane Nyasaye osingore ni Ibrahim obi ni joma ok jo-Yahudi kuom Kristo Yesu, kendo mondo wayud Roho mane Nyasaye osingore ni nochiw ni joma oyie.

Jo-Efeso 4:21

Chutho ne uwinjo jo-puonjre mage, ne opuonju adiera man kuome.

Jo-Efeso 4:30

Kik umi Roho Maler mar Nyasaye chuny lit, nikech Roho e kido ma Nyasaye oketonu, kaka ranyisi ni noresu chieng’ resruok.

1 Jo-Thesalonika 2:13

To bende wagoyo erokamano pile, nikech kane uyudo Wach Nyasaye mane wakelonu, to ne ok urwake mana ka wach dhano, to ne urwake ka Wach Nyasaye adier, matiyo e chunyu un joma oyie.

2 Timotheo 2:15

Tem matek mondo inyis ji ni in ng’at ma Nyasaye oyiego, kendo mapuonjo wach mar adiera e yo makare, kaka jatich ma tichne ok kuod wiye.

2 Timotheo 2:19

To Nyasaye oseketo mise motegno mochung’ kogurore, kendo ondikie niya, “Ng’ato ka ng’ato mahulo nying Ruoth nyaka pogre gi richo.”

2 Timotheo 3:15

Bende ng’e ni nyaka ia e nyathi isebedo king’eyo weche manie Muma ma nyalo miyi rieko makeloni warruok, ka iyie kuom Kristo Yesu.

Tito 2:11

Nyaka watim kamano nikech ng’wono mar Nyasaye makelo warruok ni ji duto osefwenyore.

Jo-Hibrania 2:3

Wan to dwatony nade, ka wajwang’o warruok maduong’ makama? Ruoth Yesu owuon ema nokwongo nyiso ji wach warruokno, eka joma nowinjo wachno nonyisowa ni en adier.

Jakobo 1:18

Kuom dwarone owuon ne ochweyowa manyien kuom wach mar adiera, mondo wabed kaka olemo mokwongo nyak kuom chuechne duto.

Jakobo 1:21

Emomiyo wituru gik mochido, gi timbe maricho mogundho. Bolreuru e nyim Nyasaye, kendo yieuru wach mane opidhi e chunyu, nikech en gi teko mar warou.

1 Petro 2:10

“Chon ne ok un oganda kata matin, to tinde un oganda Nyasaye. Chon ne un mabor gi ng’wono mar Nyasaye, to koro useyudo ng’wonone.”

Fweny 7:2

Eka ne aneno malaika machielo kawuok yo wuok chieng’, koting’o gima igoyogo alama mar Nyasaye mangima. Nokok matek ni malaika ang’wen mane osemi teko mondo ohiny piny kod nam,