Joshua 9:14 - MUMA MALER 2015

¹⁴ Jotelo moko mag jo-Israel nobilo chiemb jogo, mak gipenjo Ruoth Nyasaye wach.

Motingʼo Loko Manyien

¹⁴ Jotelo moko mag jo-Israel nobilo chiemb jogo ka ok gipenjo Jehova Nyasaye wach.

Joshua 9:14 ပူးပေါင်းရင်းမြစ်များ

2 Samuel 2:1

Bang’ wechegi, Daudi nopenjo Ruoth Nyasaye wach niya,, “Dadhi e dala moro mar Juda koso?” Ruoth Nyasaye nodwoke ni, “Dhiyo!” Daudi nomedo penjo niya, “Ere dala ma dadhiye?” Mi nodwoke ni, “Hebron.”

2 Samuel 5:19

Daudi nopenjo Ruoth Nyasaye wach niya, “Kadhi kedo gi jo-Filistia, nichiwgi e lweta koso?” Ruoth Nyasaye nodwoke niya, “Dhiyo; nachiwgi e lweti.”

Ezra 8:21

Bang’ mano nagolo chik mondo wari kech e dho aora Ahava kanyo, ka wabolore e nyim Ruoth Nyasaye ma Nyasachwa, kendo wakwaye mondo oritwa gi nyithindwa kod giwa duto e wuodhwa.

Wuok 28:30

“To koro mogik, nyaka iket ombulu miluongo ni Urim gi Thumim ei law agoko mar ng’ado bura, mondo gibed e kor Harun kodonjo e nyim Ruoth Nyasaye, ka Harun donjo e nyim Ruoth Nyasaye, nobed koting’o gik ng’ado bura ni jo-Israel e kore.

Kwan 27:21

Enobed kodhi ir Eleazar jadolo ma nobed ka goyone ombulu miluongo ni Urim, mondo ong’ego gima Ruoth Nyasaye dwaro. Oganda jo-Israel, kaachiel gi Joshua, nowuog oko kendo noduog dala, mana kaka Eleazar ochikogi.”

Jakobo 1:5

To ka ng’ato kuomu riekone orem, to ber mondo okwa Nyasaye, kendo Nyasaye nomedne rieko, nikech ochiwo gi ng’wono mak ochayo ng’ato.

Joshua 9:13

Neuru ndedewagi! Kane waoloe divai, ne ginyien, to koro giseyiech. Wuochewa gi lepwa bende oseti nikech wuoth mabor.”

Jong’ad Bura 1:1

Bang’ tho Joshua, jo-Israel nopenjo Ruoth Nyasaye wach niya, “Ere dhoot monego kuong dhi monjo jo-Kanaan?”

Jong’ad Bura 20:18

Jo-Israel nowuok modhi Bethel, mi gipenjo Nyasaye wach niya, “Ere dhoot monego kuong dhi monjo jo-Benjamin?” Ruoth Nyasaye nodwoko ni, “Dhood Juda ema mondo okuong monjogi.”

Jong’ad Bura 20:28

kendo Finehas wuod Eleazar ma wuod Harun ne e jadolo e nyim Ruoth Nyasaye. Jo-Israel nopenjo Nyasaye niya, “Wadog mondo waked gi owetewa ma jo-Benjamin, koso wawe?” Ruoth Nyasaye nodwoko niya, “Monjgiuru, kendo kiny nachiwgi e lwetu.”

1 Samuel 22:10

Ahimelek nopenjone Ruoth Nyasaye wach, kendo nomiye chiemo kod ligangla mar Goliath ja-Filistia.”