Joshua 4:12 - MUMA MALER 2015

¹² Jo-Reuben gi jo-Gad kod jo-Manase konchiel ema nong’ado aora kotelo ni jo-Israel, ka giikore ni lweny kaka Musa nosewachonigi.

Motingʼo Loko Manyien

¹² Jo-Reuben, jo-Gad kod nus mar dhood Manase nongʼado ka gimanore gi gige lweny e nyim jo-Israel, mana kaka Musa nosechikogi.

Joshua 4:12 ပူးပေါင်းရင်းမြစ်များ

Wuok 13:18

Omiyo kar luwo yorno to Nyasaye notelonigi e yo maluoro maluwo thim kochomo Nam Makwar. Jo-Israel noa Misri koikore ni lweny.

Kwan 1:24

Jo-Gad e utgi kaluwore gi kweregi, kindiko nying joma chwo duto ma hikgi oseromo piero ariyo kata mokadho kanyo ma oromo dhi e lweny,

Kwan 32:17

Bang’e wanyalo dhi e lweny mondo waked ka watelo ni jo-Israel, nyaka chop gikaw piny ma gidhi dakie. To e kinde ma pod wadhi kedo, mondwa gi nyithindwa nyalo dak e mier mochiel motegno gi ohinga ma jopinyni ok nyal monjogie.

Rapar mar Chik 3:18

“E kinde nogono nachiko dhoudi ariyo gi nusgo kama: ‘Ruoth Nyasaye ma Nyasachu osemiyou pinyni mondo obed mwanduu, to jolwenju duto nyaka dong’ e oganda lweny, kendo otel e nyim jo-Israel weteu.

Rapar mar Chik 33:21

Ne giyiero piny koma ber moloyo, nikech gin ema nopognigi migap jatelo. Ne gibiro ir jotend ji, kendo ne gitimo kaka Ruoth Nyasaye dwaro, ka girito chike mane Ruoth Nyasaye omiyo jo-Israel.”

Joshua 1:14

Mondu gi nyithindu kod jambu nyalo dong’ e piny mane Musa omiyou yo wuok chieng’ mar aora Jordan, to un jolweny nyaka uidh loka, kutelo e nyim jo-Israel weteu, mondo ukonygi kedo.

Joshua 4:11

to kane giseng’ado aroa giduto, eka jodolo bende nong’ado gi Sanduk mar Ruoth Nyasaye,

Joshua 4:13

Ji alufu mia ang’wen moikore ni lweny nong’ado aora e nyim Ruoth Nyasaye ka giidho loka nyaka paw Jeriko mondo gikedi.