Joshua 24:26 - MUMA MALER 2015

²⁶ Nondiko chikego e Kitap Chik mar Ruoth Nyasaye, kendo nochungo kidi maduong’ e tiend yath man but Hema Maler mar Ruoth Nyasaye.

Motingʼo Loko Manyien

²⁶ Joshua nondiko gigo duto piny e Kitabu mar Chik mar Nyasaye. Bangʼe nokawo kidi maduongʼ mi okete maber e tiend yiend ober but kama ler mar Jehova Nyasaye.

Joshua 24:26 ပူးပေါင်းရင်းမြစ်များ

Chakruok 31:45

Omiyo Jakobo noyiero kidi mang’ongo, mochungo tir ka siro mar rapar,

Chakruok 35:4

Omiyo ne gimiyo Jakobo nyiseche duto mag pinje moko mane gin go, kod stadi mane giketo e itgi, mi noikogi e tiend yath moro machiegni gi Shekem.

Chakruok 35:8

Debora mane opiro Rebeka notho, mi noyike e tiend yath manie tik got Bethel. Omiyo Jakobo nochako yedhno ni Alon-bakuth (tiende ni yath miywakie).

Wuok 24:4

Musa nondiko chike duto mag Ruoth Nyasaye. To kinyne gokinyi nogero kendo-mar-misango e tiend got, kendo nochungo kite apar gariyo mag rapar, maromre gi kar romb dhout Israel apar gariyo.

Jong’ad Bura 9:6

Bang’e jo-Shekem duto kod jo-Beth-milo nochokore kanyakla, kendo ne gidhi e tiend yath man but siro milamo man Shekem, mi giketo Abimelek ruoth kuno.

1 Samuel 7:12

Samuel nokawo kidi, mochungo kanyo e kind Mizpa gi Jeshana. Nowacho niya, “Ruoth Nyasaye osekonyowa nyaka ka.” Omiyo nochako kidino ni Ebenezer, (tiende ni, kidi mar konyruok).