Joshua 24:23 - MUMA MALER 2015

²³ To Joshua nomedo wachonigi niya, “Wituru nyiseche mag pinje mamoko, kendo keturu chunyu kuom Ruoth Nyasaye ma Nyasach Israel.”

Motingʼo Loko Manyien

²³ Joshua nowacho niya, “Koro wituru nyiseche manono manie dieru mondo uchiw chunyu ni tiyo ne Jehova Nyasaye, ma Nyasach Israel.”

Joshua 24:23 ပူးပေါင်းရင်းမြစ်များ

1 Ruodhi 8:57

Ruoth Nyasaye ma Nyasachwa obed kodwa, kaka nobet gi kwerewa. Kik owewa kata kik ojwang’wa,

1 Ruodhi 8:58

to mondo okonywa keto chunywa kuome, wawuoth e yorene duto, kendo wamak chikene gi buchene kod wechene mane ochiko kwerewa.

Zaburi 119:36

Miya chuny mohero rito chikeni, kar bedo gi mwandu.

Zaburi 141:4

Rita mondo kata mana gombo timo richo kik agombi, kata kik akony joricho timo timbegi mamono. Bende kik iwe abed kodgi kaachiel e sewni maggi.

Zaburi 81:10

An e Ruoth Nyasaye ma Nyasachu mane ogolou e piny Misri. Ng’amuru dhou malach mondo apidhu.

Wuok 20:23

Kik ulos nyiseche mag fedha kata mag dhahabu mondo ulam kaachiel koda.

Ngeche 2:2

Chik iti ni weche man gi rieko, kendo tem matek mondo iwinj tiendgi.

Hosea 14:8

Jo-Israel ok nochak olam nyiseche manono kata matin, omiyo anawinj lemogi, kendo naritgi. Anageng’gi mana ka yath ma tipone ng’ich, nimar an ema amiyogi guethgi duto.”

Joshua 24:14

“Kuom mano, lamuru Ruoth Nyasaye, kendo tineuru gi chuny modimbore. Wituru nyiseche mane kwereu lamo kane gidak loka aora Yufrate, kendo e piny Misri, to lamuru mana Ruoth Nyasaye.