Joshua 24:10 - MUMA MALER 2015

¹⁰ to ne ok ayiene mondo otim kamano. Omiyo kar kuong’ou, to noguedhou, mi naresou e lwet Balak.

Motingʼo Loko Manyien

¹⁰ To ne ok anyal chiko ita ne Balaam, omiyo nogwedhou mogundho, mi nagolou oko e lwete.

Joshua 24:10 ပူးပေါင်းရင်းမြစ်များ

Isaya 54:17

To koro onge gir lweny molosi ni mondo ohinyi, ma nohinyi, bende inilo buche duto modonjnie. Mano e pok ma jotich Ruoth Nyasaye yudo. Adier, mano e gueth ma asemiyogi. An Ruoth Nyasaye ema awacho kamano.”

Mika 6:5

Un joga, parieuru gima ne Balak ruodh Moab ochano timonu. Kendo kaka Balaam wuod Beor nodwoke. Bende parieuru gik mane otimore e yo, kua Shitim udhi Gilgal, mana ni mondo ung’e timbe madongo mane atimo mondo aresugo.”

Kwan 22:35

To malaika mar Ruoth Nyasaye nowachone niya, “Dhiyo adhiya gi jogo, to nyaka iwach mana gima abiro nyisi.” Omiyo Balaam nodhi adhiya gi jodong Balak.

Rapar mar Chik 23:5

To Ruoth Nyasaye ma Nyasachu ne ok odewo wach Balaam, mi noloko kuong’no obedonu mana gueth, nikech noherou.

Joshua 24:11

Eka bang’e nung’ado aora Jordan, muchopo Jeriko. Jo-Jeriko gi jo-Amor gi jo-Perizi gi jo-Kanaan gi jo-Hiti gi jo-Girgash gi jo-Hivi kod jo-Jebus nokedo kodu, to namiyo uloyogi duto.