Joshua 21:43 - MUMA MALER 2015

⁴³ Kamano Ruoth Nyasaye nomiyo jo-Israel piny duto mane osesingore ni kweregi ni nomigi. Ne gikawe, mi gidak kuno.

Motingʼo Loko Manyien

⁴³ Omiyo Jehova Nyasaye nomiyo jo-Israel pinje duto mane osingore ni enomi kweregi, kendo ne gikawogi mi gidakie.

Joshua 21:43 ပူးပေါင်းရင်းမြစ်များ

Chakruok 12:7

Ruoth Nyasaye nofwenyore ni Abram kanyo, mowachone niya, “Ma e piny ma nami nyikwayi.” Mi Abram nogero kendo-mar-misango kanyono ni Ruoth Nyasaye ma nofwenyorene.

Chakruok 13:15

nimar piny duto minenono abiro miyi gi nyikwayi nyaka chieng’.

Chakruok 28:4

Onego oguedhi kendo oguedh nyikwayi kaka noguedho Ibrahim, mondo ikaw piny ma koro idakie. En e piny mane Nyasaye omiyo Ibrahim.”

2 Weche mag Ndalo 20:8

Mi gisedakie kendo gisegeronie Hekalu mondo nyingi obedie,

Nehemia 9:24

Kane nyikwagi odonjo e pinyno mokawo, niloyonigi jo-Kanaan mane oyudo odak kuno, michiwogi kaachiel gi ruodhigi e lwet jo-Israel mondo otim kodgi gima gihero.

Nehemia 9:8

Niyudo ka en ng’at ma jaadiera e nyimi, mi nitimo kode singruok ni ibiro miye piny mane jo-Kanaan gi jo-Hiti gi jo-Amor gi jo-Perzi gi jo-Jebus kod jo-Girgash odakie, mondo obed mare gi nyikwaye. Kendo nichopo singruokno, nikech in jaadiera.

Zaburi 105:8

Obiro rito singruokne nyaka chieng’ kuom tienge gana gi gana.

Zaburi 44:3

Jogigo ne ok okawo piny gi gigegi mag lweny, bende ne ok gilocho gi tekregi giwegi. To ne gilocho mana nikech tekoni maduong’, kendo nikech ne in kodgi. Mano e kaka niherogi!

Zaburi 78:55

Noriembo joma ne odak e pinyno, mondo oyaw ni joge thuolo, eka ne opoge ni dhout Israel, mi omiyo gidak e miechgi.

Wuok 3:8

Omiyo aselor mondo aresgi e lwet jo-Misri, kendo agolgi e pinyno mondo atergi e piny maber kendo malach. En piny momew, kendo machiek, ma koro jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebus ema odakie.

Jeremia 32:23

To kane gidonjo e pinyni, mi gidakie, ne ok girito chikeni, bende ne ok giluori. Ne ok gitimo gimoro amora mane isechikogi mondo gitim. Mano emomiyo ne ikelo masirani duto kuomgi.

Kwan 33:53

Kawuru pinyni mi udagie, nimar asemiyougo mondo obed maru.

Kwan 34:2

mondo onyis jo-Israel niya, “Koro uchiegni donjo e piny Kanaan, momiu mondo obed mwandu nyaka chieng’. En piny Kanaanno duto, ma tong’ne chalo kama:

Rapar mar Chik 11:31

Koro uchiegni ng’ado aora Jordan mondo udonj e piny ma Ruoth Nyasaye ma Nyasachu miyou mondo ukaw obed maru. To ka usekawe, mudakie,

Rapar mar Chik 12:29

“Ka Ruoth Nyasaye ma Nyasachu osetieko ogendini ma udonjo e pinygi, mi ukawo kargi, kendo udak e pinyno,

Rapar mar Chik 17:14

“Ka usedonjo e piny ma Ruoth Nyasaye ma Nyasachu biro miyou mondo ukaw, udagie, mi uparo ni mondo uket ruoth oritu kaka ogendini duto moluorou timo,

Rapar mar Chik 34:4

Ruoth Nyasaye nowachone niya, “Ma e piny mane asingora ni Ibrahim gi Isaka kod Jakobo ni nami nyikwagi. Asenyisigo mondo inene gi wang’i, to kata kamano, ok niidh loka, midonjie.”

Joshua 1:6

Bed gi chir, kendo gi jing’o, nimar in ema nitel ni jogagi, ka gikawo piny mane asingora ni kweregi ni namigi.

Joshua 21:42

Dala ka dala ne nigi lege mokiewo kode.

Jong’ad Bura 11:24

“Donge un udak e piny mane Kemosh nyasachu omayo wegi, momiyou? Kamano e kaka wan bende nyaka wadag adaga e piny mane Ruoth Nyasaye ma Nyasachwa omiyowa.

1 Samuel 12:8

Kane Jakobo gi yawuote osedhi Misri, jo-Misri koro ne sando nyikwagi ma kwereu. Omiyo ne giywak ni Ruoth Nyasaye, mi Ruoth Nyasaye nooro Musa gi Harun mogologi, kendo omiyogi kama wadakieni.