Joshua 2:14 - MUMA MALER 2015

¹⁴ Jogo nodwoke niya, “Kutho, to kara wan bende owinjore watho. Ka Ruoth Nyasaye osemiyowa pinyni, to wanarit singruokwa, kendo wanatimni maber, mak mana kihulo wachwani.”

Motingʼo Loko Manyien

¹⁴ Jogi nowachone adier niya, “Ngimau en ngimawa! Ka ok uwacho gino ma watimo, to wabiro bedo kodu gi ngʼwono kod ratiro e ndalo ma Jehova Nyasaye nomiwa pinyni.”

Joshua 2:14 ပူးပေါင်းရင်းမြစ်များ

Chakruok 24:49

Koro nyisauru kuyie timo ng’wono ni ruodha. To ka ok uyie, bende nyisauru, mondo ang’e gima atimo.”

Chakruok 47:29

Kane kinde mar thone ochopo machiegni, noluongo Josef wuode, nowachone niya, “Yie iket lweti e kind ema, kikuong’orina ni inibedna jaadiera, kendo ni initimna maber, mi ok niyika Misri.

2 Samuel 2:5

nooro joote irgi, kowachonigi niya, “Ruoth Nyasaye mondo oguedhu, nikech nutimo ng’wono ni Saulo ruodhu, kuom yike.

2 Samuel 2:6

Koro Ruoth Nyasaye mondo otimnu ng’wono gi adiera. An bende natimnu maber, kuom timo kamano.

2 Samuel 9:1

Daudi nopenjo niya, “Dipo kodong’ie ng’at moro ma ja dhood Saulo koso, mondo atimne maber, nikech hera mane aherogo Jonathan?”

1 Ruodhi 20:39

Kane ruoth kadho, jalo nokok kawachone ni, “Ruoth, ka nadonjo e chuny lweny, naromo gi jalweny moro mokelona ng’at motue, kowachona niya, ‘Rit ng’atni, to kapo ni olalni, to initho, kata in ichul kilo piero adek mag fedha.’

Ngeche 14:22

Ka ichano timo marach to ibiro lal nono, to ka ichano timo maber to ji nogeni kendo nomiyi luor.

Ngeche 18:24

Osiepe moko beyo mana kuom mbekni manono. Osiep maber to nyalo geni moloyo kata mana owadu monywoligo.

Mathayo 5:7

“Joma ng’won gin johawi, nikech nong’wonnigi.

Tich Joote 23:22

Kane wuowino otieko wuoyo, jaduong’ lweny nowachone ni, “Kik iwach ni ng’ato ni isenyisa wachni.” Eka noweye odhi.

Joshua 2:13

Singrenauru ni unures wuora gi mama kod owetena gi nyiminena, kaachiel gi joutgi duto. Kik uwe watho.”

Joshua 2:15

Rahab nodak e ot mochuog e kor ohinga mar dala Jeriko, omiyo nogologi gie dirisa, molorogi piny gi tol,

Joshua 6:17

To joma odakie kaachiel gi gik moko duto manie iye noketh chuth, kendo dhano ok nomulgi, to ginibed gik mochiw ni Ruoth Nyasaye. Rahab gi ji duto manie ode kende ema nowe ka ngima, nikech en ema nopando jombetre mane waoro.

Joshua 6:22

Joshua nowacho ni jombetre ariyo kande mondo odhi e od Rahab okele kaachiel gi joode, kaka ne gisesingore ni ginitim.

Joshua 6:25

Kamano Joshua noreso ngima Rahab gi joode kod ji duto mane ni kode, nikech nosepando jombetre ma noor mondo ocheng Jeriko. Nyikwa Rahab pod odak gi jo-Israel nyaka chil kawuono.

1 Samuel 20:8

Emomiyo koro bedna jaadiera, nimar nikuong’orina e nyim Ruoth Nyasaye ni osiep manie kindwa ok norum. To ka aseketho, to nega in iwuon. Ang’o ma dimi itera ir wuoru?”