Joshua 14:2 - MUMA MALER 2015

² Pinyno nopog gi ombulu, ni dhoudi ochiko gi nus kande kaluwore gi chik mane Ruoth Nyasaye omiyo Musa.

Motingʼo Loko Manyien

² Girkeni mag-gi nochiw kuom goyo ombulu ni dhoudi ochiko gi nus, kaka Jehova Nyasaye nosechiko kokalo kuom Musa.

Joshua 14:2 ပူးပေါင်းရင်းမြစ်များ

Ngeche 16:33

Ji goyo ombulu mondo ong’e gima onego gitim, to Nyasaye owuon ema ong’eyo gima timore.

Ngeche 18:18

Ka joma rateke ng’ang’ore e od bura, to ombulu ema nyalo thegogi.

Ezekiel 45:1

Ka piny opogi mondo dhoot ka dhoot oyud lope, to lowo ma borne romo kilomita apar nyaka wal ni Ruoth Nyasaye. Kanyo duto nobed kama ler.

Kwan 26:52

Ruoth Nyasaye nowacho ni Musa niya,

Kwan 33:54

Nyaka upoge gi ombulu e kind dhoutu, mondo dhoot ka dhoot oyud lope. Dhoot maduong’ nyaka yud lowo maduong’ to dhoot matin nyaka yud matin. Pognigiuru mana kaka ombulu owacho, ka dhoot ka dhoot kendo joot ka joot yudo lopgi.

Kwan 34:13

Bang’e Musa nochiko jo-Israel kama: “Mano e piny ma ubiro pogo gi ombulu, mondo dhoot ka dhoot oyud lope. En piny ma Ruoth Nyasaye osechiko ni mondo omi dhoudi ochiko gi nus,

Kwan 34:17

“Joma biro konyi pogo pinyno e magi: Eleazar jadolo kod Joshua wuod Nun.

Mathayo 25:34

Eka nowachi ni joma ni e bade korachwich niya, ‘Biuru, un joma Wuora oseguedho, mondo ukaw piny moseiknu chakre chwech piny,

Tich Joote 1:26

Eka ne gigoyo ombulu, mi ombulu nolwar kuom Mathia. Omiyo ne gikete mobedo ji joote apar gachiel.

Joshua 13:7

Koro pog pinyni ni dhoudi ochiko kande, kaachiel gi jo-Manase konchiel.”

Joshua 18:10

kendo Joshua nogoyonigi ombulu e nyim Ruoth Nyasaye, mopogo ni dhoot ka dhoot lope.

Joshua 18:6

Kusepogo piny nyadibiriyo kamano, kendo usendiko kaka ochalo, eka ukelna ndiko manyiso migepego, kendo nopognugi gi ombulu e nyim Ruoth Nyasaye.