Joshua 11:23 - MUMA MALER 2015

²³ Kamano Joshua nokawo pinyno duto, kochopo chike duto mane Ruoth Nyasaye omiyo Musa. Joshua nomiyo jo-Israel pinyno, kopogo ni dhoot ka dhoot lembe, mi piny nokue.

Motingʼo Loko Manyien

²³ Omiyo Joshua nokawo pinyno duto mana kaka Jehova Nyasaye nosechiko Musa, mi nochiwe kaka girkeni ni jo-Israel kaluwore gi migepe mag dhoutegi. Bangʼe pinyni nobedo gi kwe.

Joshua 11:23 ပူးပေါင်းရင်းမြစ်များ

Nehemia 9:24

Kane nyikwagi odonjo e pinyno mokawo, niloyonigi jo-Kanaan mane oyudo odak kuno, michiwogi kaachiel gi ruodhigi e lwet jo-Israel mondo otim kodgi gima gihero.

Zaburi 46:9

Otieko lwenje e piny duto. Oturo atunge kod tonge, kendo owang’o okumbni gi mach.

Wuok 34:11

Kuom mano, rituru chike ma abiro miyou kawuono, eka abiro riembo jo-Amor gi jo-Kanaan gi jo-Hiti gi jo-Perizi gi jo-Hivi kod jo-Jebus mondo owenu thuolo.

Ezekiel 45:8

Mano ema nobed lop ruoth marito piny Israel, mondo kik ochak othir ji, to owe bath piny koma odong’ obed mar dhout Israel.

Rapar mar Chik 1:38

to Joshua wuod Nun matiyoni ema nodonj kuno. Kuom mano, jiwe mondo obed motegno, nimar en ema nomi jo-Israel okaw pinyno.

Rapar mar Chik 25:19

Emomiyo ka Ruoth Nyasaye ma Nyasachu osemiyou kue kuom wasiku duto molworou e piny ma obiro miyou mondo obed mwanduu, to kik wiu wil mak utieko jo-Amalek, mi nyinggi lal e piny.

Joshua 11:18

Nokedo gi pinjego kuom ndalo mang’eny, nyaka nomako ruodhi maggi duto, monego.

Joshua 12:7

Joshua kod jo-Israel nonego ruodhi modak e piny man yo podho chieng’ mar aora Jordan, chakre Baal-gad e holo mar Lebanon, nyaka got Halak man but Seir. Joshua nokawo pinygi mopogo ni dhout Israel mondo obed margi.

Joshua 18:10

kendo Joshua nogoyonigi ombulu e nyim Ruoth Nyasaye, mopogo ni dhoot ka dhoot lope.

Joshua 22:4

To koro Ruoth Nyasaye osemiyo oweteu pinyni kaka nosingorenigi, omiyo unyalo dok e miechu manie piny mane Musa jatich Ruoth Nyasaye omiyou yo wuok chieng’ mar aora Jordan.

Joshua 23:1

Ruoth Nyasaye nomiyo jo-Israel kue e kindgi gi wasigu ma nolworogi kuom ndalo mang’eny nyaka koro Joshua nodoko moti.