Joshua 10:27 - MUMA MALER 2015

²⁷ Kane chieng’ podho, Joshua nogolo chik, mi ong’adgi oko, kendo nowitgi e rogo mane gisepondoeno. Eka nolor dho rogo gi kite madongo, ma pod ni kanyo nyaka chil kawuono.

Motingʼo Loko Manyien

²⁷ Kane chiengʼ osepodho, Joshua nogolo chik mondo olor ringregi e yiende mane oliergie kendo odirgi e rogo kama negisepondoe. Negidino dho rogono gi kite madongo, ma pod ni kanyo nyaka chil kawuono.

Joshua 10:27 ပူးပေါင်းရင်းမြစ်များ

2 Samuel 18:17

Jolweny noduogo mokawo ringre Absalom, mi gibolo e bugo matut mane ni e bungu, kendo ne gidhuro kuome kite mang’eny, molokore pith maduong’. To jo-Israel duto noringo nyaka miechgi.

Joshua 4:9

Bende Joshua nochungo kite apar gariyo moko e dier aora Jordan, kama jodolo mane oting’o Sandug Muma ochung’ie, kendo kitego pod ni kanyo nyaka chil kawuono.

Joshua 7:26

Ne gidhuro kuome kite mogundho, ma pod ni kanyo nyaka chil kawuono. Mano emomiyo pod iluongo kanyo ni Holo mar Akor, (tiende ni, holo mar masira). Eka bang’e mirimb Ruoth Nyasaye norumo.

Joshua 8:29

Noliero ruodh Ai e yath, moweye kanyo nyaka odhiambo. To ka chieng’ podho, nogolo chik mondo ong’ade oko e yath. Ne giwito ringre e dhoranga dala, mi gidhuro kuome kite mogundho, ma pod ni kanyo nyaka chil kawuono.