Jong’ad Bura 9:57 - MUMA MALER 2015

⁵⁷ To bende Nyasaye nochulo kuor ni jo-Shekem kuom richogi, mana kaka Jotham wuod Jerubaal nonyisogi chieng’ mane okuong’ogi.

Motingʼo Loko Manyien

⁵⁷ Nyasaye nokumo bende jo-Shekem kuom timbegi mamono. Kwongʼ mane Jotham wuod Jerub-Baal okwongʼogigo nochopo kare.

Jong’ad Bura 9:57 ပူးပေါင်းရင်းမြစ်များ

2 Samuel 3:39

Kata obedo ni an ruoth kamano, to yawuot Zeruyagi otamo wang’a. Ruoth Nyasaye ema mondo ochul kuor ni ng’ama rach moromo gi rach mosetimo.”

1 Ruodhi 16:34

Ndalo Ahab ema Hiel ja-Bethel nogeroe Jeriko. Kane oketo mise, Abiram wuode makayo notho, kendo ka nochungo dhorangeyene, Segub wuode machogo notho, mana kaka Ruoth Nyasaye nomiyo Joshua wuod Nun owacho.

1 Ruodhi 2:32

Ruoth Nyasaye biro kume kuom remo ma nochwero, nikech nonego ji ariyo makare moloyo gi ber. Nonego Abner wuod Ner, jatend jolweny mag Israel, kod Amasa jotend jolweny mag Juda kane Daudi wuora kia.

Zaburi 7:17

Abiro pako Ruoth Nyasaye kuom adiera mare. Abiro wero wende pak ni Ruoth Nyasaye Maduong’ Moloyo.

Zaburi 94:23

Ibiro kumo jogo kuom timbegi mamono, mi itiekgi nikech richogi. Ee, in Ruoth Nyasachwa, ibiro tiekogi.

Ngeche 5:22

Richo mag ng’ama timbene mono gin obadho momake matek.

Isaya 3:11

Jaricho to nigi masira, kendo gik moko duto dhine marach, nikech oyudo pok moromo gi timbene maricho.

Joshua 6:26

Chieng’no Joshua nokwero ji gi kuong’ niya, “Ruoth Nyasaye mondo okum ng’at ma notem gero Jeriko kendo! Koketo mise mare, to wuode makayo notho, kendo kochungo dharangaye, to wuode ma chogo notho.”

Jong’ad Bura 1:7

Eka Adoni-bezek nowacho niya, “Ruodhi piero abiriyo mong’ad lith luetegi mathuondi kod lith tiendegi mathuondi yande kwanyo mana ng’injo mag chiemo e bwo mesana. To koro Nyasaye osetimona mana kaka natimonigi.” Bang’e nokel Adoni-bezek Jerusalem, motho kuno.

Jong’ad Bura 10:1

Bang’ Abimelek, Tola wuod Pua ma nyakwar Dodo nowuok mondo ores jo-Israel. Ne en ja-Isakar, ma nodak Shamir e piny gode mag Efraim.

Jong’ad Bura 9:20

To ka ok kamano, to mach mondo omuoch kuom jo-Shekem gi jo-Beth-milo mondo owang’ Abimelek.”

Jong’ad Bura 9:24

Mano notimore ni mondo nek marach mar yawuot Jerubaal piero abiriyo ochul ewi Abemelek owadgi ma nonegogi, kendo ewi jo-Shekem ma nokonye negogi.

Jong’ad Bura 9:45

Abimelek nokedo gi joma ne ni e dala odiechieng’no duto, mi nomako dala, kendo nonego ji ma nodakie. Eka noketho dalano, mokworo bala kuome.

Jong’ad Bura 9:56

Kamano Nyasaye nochulo richo mane Abimelek otimo ni wuon mare kuom nego yawuot wuon piero abiriyo.