Jong’ad Bura 9:5 - MUMA MALER 2015

⁵ Abimelek nodhi Ofra dala Jerubaal wuon mare, mi onego owetene piero abiriyo ma yawuot wuon ewi lwanda achiel, mak mana Jotham ma wuod Jerubaal machogo ema nopondo, mi ne ok onego.

Motingʼo Loko Manyien

⁵ Nodhi e dala wuon mare man Ofra kendo nonego owetene piero abiriyo, ma gin yawuot Jerub-Baal ewi lwanda achiel. To Jotham, ma wuod Jerub-Baal ma chogo, nopondo motony.

Jong’ad Bura 9:5 ပူးပေါင်းရင်းမြစ်များ

1 Ruodhi 1:12

To koro yiena mondo ang’adni rieko minyalo resogo ngimani gi ngima Solomon wuodi.

1 Ruodhi 1:21

Ka ok itimo kamano, to wan gi Solomon wuoda wanane masira kisetho.”

2 Ruodhi 10:17

Kane gichopo Samaria, nonego jodhood Ahab duto ma nodong’ kuno, nyaka notiekogi chuth. Mano e kaka wach mane Ruoth Nyasaye owacho ni Elija nochopo kare.

2 Ruodhi 10:7

Kane jodongogo oyudo baruano, ne ginego yawuot ruoth duto, mi giketo wiyegi e aditni, kendo giorogi Jezreel ni Jehu.

2 Ruodhi 11:3

Joash nodak kod Jehosheba e Od Ruoth Nyasaye kuom higni auchiel e kinde mar loch Athalia.

2 Weche mag Ndalo 21:4

Kane Jehoram osebet e kom duong’ mar wuon mare kendo oguroree, nonego owetene duto kod jodongo moko bende mag Israel.

Mathayo 2:16

To kane Herode ofwenyo ni ajuokego osewuonde, mirima mager nomake, mi ogolo chik mondo oneg nyithindo duto ma yawuowi man Bethlehem kod manie gwenge mokiewo gi dalano, chakre johigni ariyo kaduogo chien. Noyiero nyithindo ma johignigo koluwore gi ndalo mane ajuoke osenyise ni onenoe sulue.

Mathayo 2:20

mowachone niya, “A malo ikaw nyathi kod min mare, idog e piny Israel, nimar joma ne dwaro nego nyathi koro osetho.”

Jong’ad Bura 6:11

Bang’ mano, malaika mar Ruoth Nyasaye nobiro, mobet piny e tiend yath moro man Ofra. Yadhno ne mar Joash ja-Abiezer. Noyudo ka Gideon wuod Joash dino cham e bur lwanda mar biyo mzabibu, mondo kik jo-Midian juke gi chamgo.

Jong’ad Bura 6:24

Bang’ mano, Gideon nogero ni Ruoth Nyasaye kendo-mar-misango kanyo, mochako ni, ‘Jehova Shalom’, (tiende ni, Ruoth Nyasaye en kue.) Kendono pod ni Ofra kuno e piny jo-Abieze, nyaka chil kawuono.

Jong’ad Bura 8:30

Ne en gi yawuowi piero abiriyo, nikech ne en gi mon mang’eny.

Jong’ad Bura 9:18

Kawuono useriwo ni jood wuora, mi unego yawuote piero abiriyo e lwanda achiel, kendo uketo Abimelek, ma wuod chiege ma misumba, mondo obed ruodh Shekem, mana nikech en watu.

Jong’ad Bura 9:2

Nowachonigi niya, “Yieuru upenjna jodong Shekem kama: ‘Ere gima bernu? Bedo e bwo loch yawuot Jerubaal, ma gin ji piero abiriyo duto, koso bedo e bwo loch ng’at achiel?’ Bende nyisgiuru ni nyaka ging’e ni an remo achiel kodgi.”

Jong’ad Bura 9:6

Bang’e jo-Shekem duto kod jo-Beth-milo nochokore kanyakla, kendo ne gidhi e tiend yath man but siro milamo man Shekem, mi giketo Abimelek ruoth kuno.