Jong’ad Bura 9:27 - MUMA MALER 2015

²⁷ Ne gidhi e puothegi, mi gipono mzabibu, kendo gikelo kuonde mag bicho, mondo gilosgo divai. Bang’’e ne gitimo sawo e hekalu mar nyasachgi, kuma ne gichiemoe kendo gimethoe, mi giyanyoe Abimelek.

Motingʼo Loko Manyien

²⁷ Bangʼ kane gisedhi e puothe kendo gipono mzabibu mi gikelogi kuonde bicho, negitimo nyasi e hekalu mar nyasachgi. E sa mane gichiemo kendo metho, ne gikwongʼo Abimelek.

Jong’ad Bura 9:27 ပူးပေါင်းရင်းမြစ်များ

Zaburi 109:17

Ne ohero kuong’o ji, to koro en ema onego numba dong’ne! Guedho ji bende ne ok ohero, omiyo kik ng’ato guedhe!

Wuok 32:19

Kane Musa osesudo machiegni gi kambi, noneno nyaroya, kendo noneno ji ka miel, mi nokecho malich. Nowito kitego piny e tiend got mobarore.

Wuok 32:6

Kinyne ji nochiew gokinyi mang’ich, motimo lisweche miwang’o pep, kendo ne gikelo lisweche mag sawo. Ne gibet piny mondo gichiem, kendo gimethi, to bang’e ne gia malo mondo gitugi.

Jeremia 25:30

“To in Jeremia, nyaka ihul weche duto ma asewacho, kinyiso ji niya, ‘Ruoth Nyasaye ruto gie polo. Ee, owuoyo gie polo malo. Oruto korogo joge, kendo okok ka ng’ama biyo mzabibu, kendo ji duto modak e piny winje.

Daniel 5:23

Kar timo kamano to isepiem gi Ruodh Polo kuom kelo kikombe gi tewni mane osegol e Hekalu mare, mi umethoe. Ee, in gi jodongi kaachiel gi mondi mamoko ne umadho divai gi gigo, kupako nyiseche molos gi dhahabu gi fedha gi mula gi nyinyo gi bao kod kidi. Gin nyiseche ma ok nyal neno, kata winjo wach, kata ng’eyo gimoro. To ne ok iluoro Nyasaye morito ngimani kaachiel gi gik moko duto mitimo.

Hosea 7:14

Ok giselama gi adiera, to girudhore piny ka giywak, kendo ka gilama mondo amigi cham gi divai, to ging’olo dendgi mana ka joma lamo nyiseche manono. To gisetamore mako chikna.

Tim jo-Lawi 24:11

Nokwong’e koyanyo nying maler mar Ruoth Nyasaye, omiyo ne gikele ir Musa.

Jong’ad Bura 16:23

Chieng’ moro ruodhi mag jo-Filistia nochokore e sawo maduong’, mondo otim misango ni Dagon nyasachgi, ka gigoyone erokamano kuom chiwo jasikgi ma Samson e lwetgi.

Jong’ad Bura 8:33

Bang’ tho Gideon, jo-Israel nolokore kendo, moweyo Nyasaye. Ne gichako gilamo Baal, mi giloko Baal-berith nyasachgi.

Jong’ad Bura 9:26

Ng’at moro ma nyinge Gaal wuod Ebed nobiro Shekem, kaachiel gi owetene, mi jo-Shekem noyie bedo e bwo lochne.

Jong’ad Bura 9:4

Ne gimiye fedha piero abiriyo mogol e od Baal-berith ma nyasachgi, mong’iewogo jomoko ma acheje kendo ma jomahundu mondo oluwe.

Jong’ad Bura 9:46

Kane ji duto mane odak kama oger motegno mane ni Shekem owinjo wachno, ne gidonjo e ot ma iye mar hekalu mar El-berik nyasachgi mondo gipondie.

1 Samuel 17:43

Nopenjo Daudi niya, “Iparo ni an guok koso, mibirona mana gi kede?” Mi nokuong’o Daudi e nying nyisechene.