Jong’ad Bura 9:24 - MUMA MALER 2015

²⁴ Mano notimore ni mondo nek marach mar yawuot Jerubaal piero abiriyo ochul ewi Abemelek owadgi ma nonegogi, kendo ewi jo-Shekem ma nokonye negogi.

Motingʼo Loko Manyien

²⁴ Nyasaye notimo ma mondo mahundu mane otimne yawuot Jerub-Baal piero abiriyo, kichwero rembgi, mondo ochul ewi Abimelek owadgi kendo ewi jo-Shekem, mane okonye nego owetene.

Jong’ad Bura 9:24 ပူးပေါင်းရင်းမြစ်များ

1 Ruodhi 2:32

Ruoth Nyasaye biro kume kuom remo ma nochwero, nikech nonego ji ariyo makare moloyo gi ber. Nonego Abner wuod Ner, jatend jolweny mag Israel, kod Amasa jotend jolweny mag Juda kane Daudi wuora kia.

1 Ruodhi 2:33

Emomiyo rembgi mondo obed e wi Joab gi kothe nyaka chieng’, to Ruoth Nyasaye mondo omed kue ni Daudi gi kothe gi ode kod lochne nyaka chieng’.”

Zaburi 7:16

Kamano richone dok e wiye owuon, ka timbene mag mahundu hinye mana en owuon.

Zaburi 7:17

Abiro pako Ruoth Nyasaye kuom adiera mare. Abiro wero wende pak ni Ruoth Nyasaye Maduong’ Moloyo.

Kwan 35:33

Kik uketh pinyu gi remo kamano, nikech remo ketho piny, kendo pinyu ok nyal pwodhore kuom gak mar remo mochuer, mak mana ka opwodhe gi remb ng’at mane ochuero remono.

Rapar mar Chik 27:25

“ ‘Okuong’ ng’at mochamo asoya mondo oneg ng’at ma onge gi ketho.

Jong’ad Bura 1:7

Eka Adoni-bezek nowacho niya, “Ruodhi piero abiriyo mong’ad lith luetegi mathuondi kod lith tiendegi mathuondi yande kwanyo mana ng’injo mag chiemo e bwo mesana. To koro Nyasaye osetimona mana kaka natimonigi.” Bang’e nokel Adoni-bezek Jerusalem, motho kuno.

Jong’ad Bura 9:25

Jo-Shekem nooro ji mondo odhi obut ni Abimelek ewi gode, to jogo ne yako ji duto mane kadho kuno, omiyo Abimelek noyudo wach, motang’.

1 Samuel 15:33

To Samuel nowachone niya, “Kaka liganglani osenego nyithind mon, e kaka meru bende nobed achiel kuom mon ma nyithindgi onegi!” Eka Samuel nonego Agag achanya achanya Gilgal e nyim Ruoth Nyasaye.