Jong’ad Bura 9:23 - MUMA MALER 2015

²³ Bang’e Nyasaye nomiyo jo-Shekem odhaw kode, mi ging’anyone.

Motingʼo Loko Manyien

²³ Nyasaye noketo chuny marach e kind Abimelek kod jo-Shekem mi gidhawo kode kendo gingʼanyone.

Jong’ad Bura 9:23 ပူးပေါင်းရင်းမြစ်များ

1 Ruodhi 12:15

Kamano ruoth ne ok odewo ji. To Ruoth Nyasaye ema nomiyo gigo otimore kamano, mondo ochop singruok mane omiyo Ahija ja-Shilo owacho ni Jeroboam wuod Nebat.

2 Weche mag Ndalo 10:15

Kamano ruoth ne ok odewo ji. To Nyasaye ema nomiyo gigo otimore kamano, mondo ochop singruokne mane omiyo Ahija ja-Shilo owacho ni Jeroboam wuod Nebat.

Isaya 19:14

Ruoth Nyasaye osemiyogi chuny mar fuwo. Emomiyo rieko duto ma ging’ado obam, kendo gimiyo jo-Misri kier e gik moko duto ma gitimo, mana kaka ng’at momer kier e ng’okne.

Isaya 19:2

Owacho niya, “Abiro thuwo jo-Misri e kindgi giwegi, mi ng’ato ka ng’ato gore gi wadgi. Dala ka dala noked gi dala machielo, kendo gweng’ ka gweng’ bende noked gi wadgi.

Isaya 33:1

Yaye unune malit un jo-Asuria! Useketho gik moko, to un pok okethu. Bende usendhogo ji, to un pok ondhogu. To koro ka usetieko ketho gik moko, to un ema ibiro kethu, kendo ka utieko ndhogo ji, to un ema ibiro ndhogu.

Mathayo 7:2

nikech yo ma ung’adoe ni ji bura, e yo ma un bende nong’adnue bura, kendo rapim ma upimoe ema un bende nopimnue.

Mariko 3:24

Ka jopiny moro opogore, to pinyno ok nyal gurore.

Jong’ad Bura 9:20

To ka ok kamano, to mach mondo omuoch kuom jo-Shekem gi jo-Beth-milo mondo owang’ Abimelek.”

Jong’ad Bura 9:22

Abimelek norito jo-Israel kuom higni adek.