Jong’ad Bura 9:15 - MUMA MALER 2015

¹⁵ Mi kudho nowachonigi niya, ‘Ka udwaro keta ruodhu adiera to ara biuru mondo uyue e tipona. Ka ok kamano, to mach biro muoch kuom kudho kendo biro wang’o kata mana yiend sida man Lebanon.’ ”

Motingʼo Loko Manyien

¹⁵ “Kudho nowachone yiende ni, ‘Ka adiera udwaro keta ruoth, to biuru kendo upond e tipona; ka ok kamano, to we mach owuog oa e kudho kendo owangʼ sida mag Lebanon!’

Jong’ad Bura 9:15 ပူးပေါင်းရင်းမြစ်များ

2 Ruodhi 14:9

To Jehoash ruodh Israel nodwoko Amazia ruodh Juda gi ngero niya, “Okuro moro man Lebanon, nooro wach ni yath maduong’ man Lebanon, kowachone niya, ‘Yie mondo wuoda okend nyari.’ To nopo ka le moro kadho kanyo, monyono okurono, moketho.

Zaburi 104:16

Yiend sida mag Lebanon yudo koth mang’eny, kendo ng’ich. Gin yiend Ruoth Nyasaye mane opidho owuon.

Zaburi 29:5

Dwonde turo yiend sida, koda ka yiend sida mag Lebanon.

Isaya 1:31

Ng’at ma rategoe moloyo nochal oswekle, kendo timbeu mamono ema nodok pilni mach, mi un uwang’ kaachiel gi timbeu, ma onge ng’ama nego majno!”

Isaya 2:13

Chieng’no yiend sida maboyo duto man Lebanon, kod yien madongo duto man Bashan nokul piny

Isaya 30:2

Urikni kudhi Misri mondo uyud resruok kuom Farao, kendo ugeng’oru e tipo mar Misri, to ok upenja.

Isaya 37:24

Isejaro Ruoth Nyasaye gi dho jooteni, kiwacho niya, ‘Aseidho gode maboyo mag Lebanon, mi achopo midimidi, ka an gi gechena mag lweny mang’eny mokadho akwana. Bende asetong’o yiend sida madongo, kod yiend saipras mabeyo man kuno. Asechopo nyaka e chuny bungu, kama ni iye mogik, kendo ma yien odichie.

Ywagruok 4:20

Ruoth mane Nyasaye oyiero, kendo ma wakwano ka ngimawa, ne gimako e bur mane gikunyo. To en e jal mane waparo ni dwadag e bwo tipone e kind ogendini.

Ezekiel 19:14

Ne omuoch mach, mi majno owang’o bedene gi olembene. Kamano bedene ok nochak obed motegno, moromo loso ludhe ruodhi.” Mano en wend ywak ma osewer ndalo mang’eny.

Ezekiel 31:3

Ichalo gi yadh sida man Lebanon, man gi bede mabeyo motimo tipo. Adier, en yath marabora motundo e polo.

Daniel 4:12

Obokene ne beyo, kendo nonyago olemo mang’eny moromo piny ngima chamo. Le ne yueyo e tipone, winy bende ne gedo e bedene, kendo gik moko duto mangima nochamo olembene.

Hosea 14:7

Gibiro chako gidak e tipona, mi ginya ka cham, kendo ginyag mana ka yiend mzabibu. Gibiro bedo gi huma mana ka divai mar Lebanon.

Kwan 21:28

nimar mach nomuoch Heshbon! Ee, mach noliel e dala Sihon. Noketho Ar dala Moab, kendo notieko gode mag Arnon.

Mathayo 13:32

En kodhi matinie moloyo kodhi mamoko duto, to ka osedongo to odoko yath maduong’ie moloyo yien duto, kendo winy biro mi gedi e bedene.”

Jong’ad Bura 9:14

Bang’ mano, yien duto nokwayo kudho ni, ‘In koro yie mondo ibed ruodhwa.’

Jong’ad Bura 9:16

To Eka Jotham nomedo wacho niya, “Koro un bende uparo ni usetimo gima kare kendo mowinjore kuom keto Abimelek ruoth? Bende usetimo maber adier ni Jerubaal kod joode?

Jong’ad Bura 9:20

To ka ok kamano, to mach mondo omuoch kuom jo-Shekem gi jo-Beth-milo mondo owang’ Abimelek.”

Jong’ad Bura 9:44

Noreto gi migawo mane en go, modhi ochung’ e dhoranga dala. To migepe moko ariyo mag joge nomonjo ji duto mane ni e bungu, mi ne ginegogi duto.

Jong’ad Bura 9:49

Omiyo ng’ato ka ng’ato nong’ado bad yath, mi ne giluwo bang’ Abimelek, kendo ne gichano bede yien-go e kor ot ma iye mar hekaluno gi oko eka ne gimokoe mach mi jo dalano duto notho. Duto ne gin ji moromo alufu achiel, chwo gi mon.