Jong’ad Bura 8:5 - MUMA MALER 2015

⁵ Omiyo nokwayo joma nodak Sukoth niya, “Yieuru umi joga chiemo nikech giol, to pod walawo Zeba gi Zalmuna, ruodhi jo-Midian.”

Motingʼo Loko Manyien

⁵ Nowachone jo-Sukoth niya, “Miuru joga ma jolweny makati nikech giol, kendo pod alawo Zeba kod Zalmuna, ma gin ruodhi jo-Midian.”

Jong’ad Bura 8:5 ပူးပေါင်းရင်းမြစ်များ

Chakruok 14:18

To Melkizedek mane ruodh Salem kendo jadolo mar Nyasaye Maduong’ Moloyo nokeloni Abram chiemo gi divai kendo noguedhe,

Chakruok 33:17

Jakobo to nolokore mochomo Sukoth, mi nogero ot kuno, kendo nolosoe abilni ni jambe. Mano emomiyo nochak nying kanyo ni Sukoth (tiende ni, abilni).

Zaburi 60:6

Nyasaye nowuoyo gie kar dakne, kowacho niya, “Kaka koro aselocho, abiro dhi mondo apog dala mar Shekem, kaachiel gi holo mar Sukoth ni joga.

Rapar mar Chik 23:4

nikech ne ok giromonu gi chiemo kata gi pi kane uwuok Misri, to bende nikech ne giluongo Balaam wuod Beor modak Pethor manie piny Mesopotamia mondo okuong’u.

Jong’ad Bura 5:23

Malaika mar Ruoth Nyasaye owacho ni, ‘Kuong’uru Meroz kod joma odakie gi kuong’ malit, nikech ne ok gibiro mondo gikony Ruoth Nyasaye. Ne ok gikonyo Ruoth Nyasaye kata joge mag lweny.’

Jong’ad Bura 8:10

Noyudo ka Zeba gi Zalmuna ne ni Karkor kaachiel gi jogi mag lweny alufu apar gabich. Ne gin joma nodong’ kuom oganda lweny mar jo wuok chieng’. To jolweny alufu mia achiel gi piero ariyo (120,000) noneg e lweny.

Jong’ad Bura 8:12

Zeba gi Zalmuna ma ruodhi mag Midian noringo, to Gideon nolawogi, momakogi, jolwenjgi to noleny nono.

Jong’ad Bura 8:15

Bang’e Gideon nodhi ir jo-Sukoth mowachonigi niya, “Neuru Zeba gi Zalmuna mane omiyo uchaya kupenja ni, ‘Isemako Zeba gi Zalmuna koso, momiyo idwaro ni mondo wami jogi chiemo?’ ”

1 Samuel 25:18

Kuom mano Abigail noreto, mokawo makati mia ariyo, gi ndede ariyo mag divai, gi rombe abich moseyang’, gi migerni abich mag chamb aloda, gi tombo mia achiel mag olemb mzabibu motwo mong’in, kod tombo mia ariyo mag olemb ng’owo mong’in moting’ogi gi kanje.