Jong’ad Bura 8:26 - MUMA MALER 2015

²⁶ Pek mar stadi mane gimiyo Gideon ne romo kilo piero adek. To bende ne nitie odeyo gi bonje kod nengni maralik mane ruodhi mag jo-Midian rwako, kaachiel gi thiwni mane otue e ng’ut ngamia maggi.

Motingʼo Loko Manyien

²⁶ Pek mar stadi mag dhahabu mane okwayo ne oromo shekel alufu achiel gi mia abiriyo, ka ok okwano bangli, odeyo kod nengni maralik mirwako gi ruodhi mag Midian kata nyoroche mane ni e ngʼut ngamia margi.

Jong’ad Bura 8:26 ပူးပေါင်းရင်းမြစ်များ

Ngeche 31:22

Ochueyo lewni mipedho e kitendni.

Isaya 3:18

Chieng’no anami manyonge ma girwako e ng’ut tiendegi, kod lewni mag leso, gi gik ma gilichogo wigi,

Jeremia 10:9

Kido magi manonogo obaw gi fedha mogol Tarshish, kendo gi dhahabu mogol Ufaz. Gin mana tich lwedo. Irwakogi gi lewni mambulu gi maralik, ka jachuech molony ema ochueyo.

Ezekiel 27:7

Tangani ne olos gi law maber mar Misri, mogorie kido mabeyo, kendo ne ginenore kata mana gi kuma bor. Tandarua miumigo nolos gi nanga maralik maber, mogol e chula mar Saipras.

Luka 16:19

Yesu nogoyo nigi ngero niya, “Ne nitie jamoko moro mane rwako lewni mabeyo ma nengogi tek, kendo ne odak e ngima mamalo, kochamo chiemo mabeyo pilepile.

Johana 19:2

Eka askeche noloso osimbo mar kudho, mi gisidhone, kendo ne girwakone kandhu makwar.

Johana 19:5

Kamano Yesu nowuok oko, korwakne osimbo mar kudho kod kandhu makwar. Eka Pilato nowachonigi ni, “Neuru! Ng’at onogo eri!”

Fweny 17:4

Dhakono norwako law maralik gi makwar, kendo nolichore gi dhahabu kod kite ma nengogi tek, kod lulu. To e lwete noting’oe kikombe mar dhahabu mopong’ gi gik modwanyore kod gik mochido mag terruokne.

Fweny 18:12

Dhahabu gi fedha gi kite ma nengogi tek gi lulu gi nanga maber gi nanga maratiglo kod nanga mareprep gi nanga makwar gi yien duto madum tik mamit, gi gik moko duto molos gi lak liech, kod molos gi yien ma nengogi tek, kod molos gi mula, kod molos gi nyinyo, kendo molos gi kite mabeyo,

Fweny 18:16

“Yaye! Mano gima lit manade ma osetimore ni dala maduong’ni! Ne orwakore gi nanga maber, gi maratiglo gi makwar, kendo nolichore gi dhahabu gi kite ma nengogi tek kod lulu.

Jong’ad Bura 8:21

Zeba gi Zalmuna nowacho ni Gideon niya, “Bi inegwa mana in iwuon, nimar in e ng’at maduong’ ma bade otegno.” Omiyo Gideon noa malo, monegogi giduto. Eka nokawo odeyo mane nie ng’ut ngamia maggi.

Jong’ad Bura 8:25

Jo-Israel nodwoke niya, “Wayie miyigi.” Mi ne gipedho stadi mane oseyako.

Jong’ad Bura 8:27

Gideon noloso kido mar nyasaye manono gi dhahabugo, mochungo e dalane Ofra. Jo-Israel duto noweyo Nyasaye modhi kuno lamo nyasaye manonono. Ne odoko obadho ni Gideon kaachiel gi joode.