Jong’ad Bura 8:24 - MUMA MALER 2015

²⁴ Eka nomedo wacho niya, “Yieruru ng’ato kuomu mondo omiya stadi mugolo kuom gik moyaki.” (Jo-Midian mane giyakogo ne joma dak e thim, ma timgi en liero stadi mag dhahabu e itgi.)

Motingʼo Loko Manyien

²⁴ Kendo nowacho niya, “An-gi kwayo achiel, ni ngʼato ka ngʼato kuomu omiya stadi kuom pok mag gik mane uyako.” Ne en kit jo-Ishmael mondo gilier stadi mar dhahabu e itgi.

Jong’ad Bura 8:24 ပူးပေါင်းရင်းမြစ်များ

Chakruok 24:22

Kane Rebeka osetieko omo pi ni ngamia, ng’atno nokawo tere mar um ma nengone tek, moketo e um Rebeka, kaachiel gi bangli ariyo mag dhahabu ma pekgi oromo achiel kuom apar mar kilo, moketo e bade.

Chakruok 24:53

Eka nomiyo Rebeka gik moko mag fedha gi mag dhahabu, kaachiel gi lewni. Owadgi Rebeka kod min-gi bende nomiyo chiwo moko ma nengogi tek.

Chakruok 25:12

Ishmael ne wuod Ibrahim mane Hagar nyar Misri jatich Sara onywolone.

Chakruok 25:13

Yawuot Ishmael, kaluwore ne gin: Nebayoth, wuode makayo, eka Kedar gi Abdeel gi Mibsaim

Chakruok 35:4

Omiyo ne gimiyo Jakobo nyiseche duto mag pinje moko mane gin go, kod stadi mane giketo e itgi, mi noikogi e tiend yath moro machiegni gi Shekem.

Chakruok 37:25

Eka ne gibet piny mondo gichiem, to kane gichiemo, ne gipo ka gineno oganda mar jo-Ishmael koa Gilead dhi Misri, Ne gin gi ngamia moting’o gik mang’ue ng’ar gi manemane kod yien moko.

Chakruok 37:28

omiyo kane jo-ohala ma jo-Midian kadho kanyo, ne gigolo Josef oko e bugo. Eka ne ging’iewe gi jo-Ishmaelgo kuom fedha piero ariyo, mi jogo notere Misri.

1 Ruodhi 20:11

Ruodh Israel nodwoko ni, “Wachneuru niya, ‘Ng’ama rwako gilweny kik pakre ka ng’ama oselonyogi!’ ”

Wuok 12:35

Noyudo ka jo-Isreal osekwayo jo-Misri lewni kod gik moko molos gi fedha kod dhahabu, kaka Musa nosechiko.

Wuok 32:3

Mi ji duto nogolo bonjegi, motero ni Harun.

Wuok 32:4

Nokawo bonjego molenyo, eka noolo e gimoro mokuny iye e kido mar nyaroya, molosogo nyaroya. Jo-Israel nowacho niya, “Ma e nyasaye mane ogolowa e piny Misri!”

Wuok 32:8

Piyopiyo nono giseweyo yo mane achikogi ni mondo giluw, mi giseloso nyaroch dhahabu mondo gilam. Gisekulorene, kendo gisetimone liswa, ka giwacho niya, ‘A jo-Israel, ma e nyasaye ma nogolowa e piny Misri.’ ”

Ezekiel 7:20

Ne gisungore gi kite ma nengogi tek, mane gilosogo nyiseche manono makuero. Mano ema omiyo Ruoth Nyasaye nomiyo mwandugi othing’ogi.

Jong’ad Bura 8:25

Jo-Israel nodwoke niya, “Wayie miyigi.” Mi ne gipedho stadi mane oseyako.

1 Samuel 25:11

Bende dakaw makati maga, gi piga kod ring’o ma aseyang’o ni joma ng’adona yie rombe, ami jomoko nono, ma akia kuma oaye?”