Jong’ad Bura 8:20 - MUMA MALER 2015

²⁰ Eka nowacho ni Jether ma wuode makayo niya, “A malo, ineggi!” To wuodeno ne pod mana rawera, omiyo noluor, mi ok owuodho liganglane.

Motingʼo Loko Manyien

²⁰ Eka nonyiso wuode maduongʼ miluongo ni Jetha niya, “Neg-gi!” To Jetha ne ok owuodho liganglane, nikech ne pod en rawera kendo noluor.

Jong’ad Bura 8:20 ပူးပေါင်းရင်းမြစ်များ

Zaburi 149:9

kendo gikumgi mana kaka Nyasaye osechiko. Mano e mor mar jo-Nyasaye! Pakuru Ruoth Nyasaye.

Joshua 10:24

Kane gisekelogi ire, Joshua noluongo jo-Israel duto, mowacho ni jotend jolweny ma nodhi kode niya, “Suduru ka, mondo unyon ng’ut ruodhigi.” Mi ne gitimo kamano.

Jong’ad Bura 8:19

Gideon nowachonigi niya, “Ne gin owetena ma yawuot mama. Akuong’ora e nying Nyasaye ni dine uwe negogi, to da ok anegou.”

Jong’ad Bura 8:21

Zeba gi Zalmuna nowacho ni Gideon niya, “Bi inegwa mana in iwuon, nimar in e ng’at maduong’ ma bade otegno.” Omiyo Gideon noa malo, monegogi giduto. Eka nokawo odeyo mane nie ng’ut ngamia maggi.

1 Samuel 15:33

To Samuel nowachone niya, “Kaka liganglani osenego nyithind mon, e kaka meru bende nobed achiel kuom mon ma nyithindgi onegi!” Eka Samuel nonego Agag achanya achanya Gilgal e nyim Ruoth Nyasaye.