Jong’ad Bura 8:10 - MUMA MALER 2015

¹⁰ Noyudo ka Zeba gi Zalmuna ne ni Karkor kaachiel gi jogi mag lweny alufu apar gabich. Ne gin joma nodong’ kuom oganda lweny mar jo wuok chieng’. To jolweny alufu mia achiel gi piero ariyo (120,000) noneg e lweny.

Motingʼo Loko Manyien

¹⁰ Noyudo ka Zeba gi Zalmuna neni Karkor kaachiel gi jolweny mage manyalo romo ji alufu apar gabich, ne gin jolweny mane odongʼ kuom jolweny mag wuok chiengʼ, to jolweny alufu mia achiel gi piero ariyo nonegi e lweny.

Jong’ad Bura 8:10 ပူးပေါင်းရင်းမြစ်များ

2 Ruodhi 3:26

Kane ruodh Moab oneno ni lweny dwaro loye, nowuok gi jo-ligangla mia abiriyo, kotemo mwomo nyaka ir ruodh Aram, mondo otony, to notamogi.

2 Weche mag Ndalo 13:17

Abija kod joge ne onegogi malich ahinya, mi jo-Israel marateke moyier alufu mia abich notho.

2 Weche mag Ndalo 28:6

Odiechieng’no, Peka wuod Ramalia nonego jo-Juda ma thuondi mia achiel gi piero ariyo. Ne ologi nikech ne giseweyo Ruoth Nyasaye ma Nyasach kweregi.

2 Weche mag Ndalo 28:8

Jo-Israel nomako owetegi alufu mia ariyo, (200,000) kaachiel gi mondgi gi nyithindgi machwo kod manyiri. Bende ne giyako mwandugi mang’eny ma gitero Samaria.

Isaya 37:36

Malaika mar Ruoth Nyasaye nodhi monego jo-Asuria alufu mia achiel gi piero aboro gabich (185,000) e kambigi, kendo kane ji ochiew gokinyi, to ringre joma otho ema ne ginwang’o kopie piny.

Isaya 9:4

Mano notimre nikech ibiro turo jok ma giting’o, kaachiel gi luth misandogigo, mana kaka nitimo e ndalo mane olo jo-Midian.

Jong’ad Bura 20:15

Chieng’no jolweny alufu piero ariyo gauchiel moa e miech Benjamin noyworo ni lweny. To bende ne nitie jo-Gibea mia abiriyo moyier,

Jong’ad Bura 20:17

Jolwenj Israel marateke ma nochokore noromo alufu mia ang’wen ma onge jo-Benjamin.

Jong’ad Bura 20:2

Dhout Israel duto, kaachiel gi jodonggi nobiro e chokruok maduong’ mar jo-Nyasayeno, ka gin jolweny alufu mia ang’wen.

Jong’ad Bura 20:25

Jo-Benjamin nowuok Gibea. Mi chieng’no ne ginego ji alufu apar gaboro, ma duto ne gin jolweny marateke.

Jong’ad Bura 20:35

Kamano Ruoth Nyasaye nomiyo jo-Israel oloyo jo-Benjamin, kendo ne ginegogi alufu piero ariyo gabich gi mia achiel chieng’no.

Jong’ad Bura 20:46

Kamano jolwenj jo-Benjamin marateke mane oneg chieng’no noromo alufu piero ariyo gabich.

Jong’ad Bura 6:5

Ne gibiro gi jambgi kod hembegi, kendo ne ging’eny mana ka bonyo. Kane oriwgi gi ngamia mane gin-go, to ne ging’eny mokalo akwana. Ne gibiro e pinyno mondo giketh cham.

Jong’ad Bura 7:12

Jo-Midian gi jo-Amalek kod jo yo wuokchieng’ duto mane nindo e holo ne ng’eny ka bonyo, kendo ngamia mane gin go nokadho akwana mana ka kuoyo manie dho nam.

Jong’ad Bura 7:13

Kane Gideon ochopo, nowinjo ka ng’at moro poro ni wadgi lek niya, “Nende aleko ni makati moro motwo obiro ka ng’ielore e kambi jo-Midian. Nochopo e hema moro, motuomo, mi hemano opodho ataro.”

Jong’ad Bura 7:22

Ji mia adekgo nomedo goyo tungegi, mi Ruoth Nyasaye nomiyo ji duto mane ni e kambi ochako kedo kendgi giwegi. Ne giringo nyaka Beth-shita e yo mochomo Zerera, mi gichopo e tong’ Abel-mehola man but Tabath.

Jong’ad Bura 8:11

Gideon noluwo yor thim mane johala luwo, man yo wuok chieng’ man Noba gi Jogbeha, mi nomonjo jolwenygo apoya.