Jong’ad Bura 8:1 - MUMA MALER 2015

¹ Jo-Efraim nowacho ni Gideon niya, “Ang’o momiyo isetimonwa kama? Dak ne iluongowa kidhi kedo gi jo-Midian?” Ne gidhaw kode matek kuom wachno.

Motingʼo Loko Manyien

¹ Jo-Efraim nopenjo Gideon niya, “Angʼo ma omiyo isetimonwa kama? Angʼo ma notami luongowa kane idhi kedo gi jo-Midian?” Omiyo negidhawo kode matek.

Jong’ad Bura 8:1 ပူးပေါင်းရင်းမြစ်များ

2 Samuel 19:41

Eka jo-Israel duto nobiro ir ruoth, mi gipenje niya, “Marang’o owetewa ma jo-Juda okawi ling’ling’ kendo okowi loka Jordan kaachiel gi joodi gi jolwenji duto?”

2 Samuel 19:42

To jo-Juda duto nodwoko jo-Israel niya, “Ne watimo kamano nikech wan wat ruoth machiegni moloyo. Marang’o iu wang’ gi wachni? Bende uwinjo ni ruoth osemiyowa gimoro wachamo? Koso uparo ni osemiyowa mich moro?”

Ayub 5:2

Sadha nego ng’ama onge rieko, kendo mirima kelo tho ni ng’ama ofuwo.

Ngeche 15:1

Dwoko mamuol ema kueyo mirima, to dwoko makwiny jimbe ajimba.

Eklesiastes 4:4

Bende kane aparo gima omiyo ji tiyo matek mondo odhi maber, to ne ayudo ni gitimo kamano nikech gidwaro ni mondo gibed gi gik mang’eny moloyo jowadgi. To mano en gima nono, ka yamo makadho!

Hosea 13:1

Chon kane jo-Efraim wuoyo, to ji mamoko tetni. Dhoodgi ne duong’ moloyo dhout Israel mamoko. To ji noketho kuom lamo Baal, kendo gibiro tho nikech wachno.

Jong’ad Bura 8:2

To Gideon nodwokogi niya, “Ere ndhath gima asetimo? Kata mana gima tinie ma un jo-Efraim usetimo, oloyo mago duto ma dhoodwa osetimo.