Jong’ad Bura 7:4 - MUMA MALER 2015

⁴ Eka Ruoth Nyasaye nowacho ni Gideon kendo niya, “Ji pod ng’eny ahinya, omiyo tergi mwalo e dho pi, mondo abi kuno ayiernigi. Ka awacho ni ni, ‘Jali nyaka dhi kodi,’ to ng’atno nodhi kodi. To ka awachoni ni, ‘Jali ok dhi kodi,’ to ng’atno ok nodhi.”

Motingʼo Loko Manyien

⁴ To Jehova Nyasaye nodwoko Gideon niya, “Pod nitie ji mangʼeny ahinya. Kawgi itergi e pi, kendo abiro miyogi penj kuno. Ka awacho ni, ‘Ma biro dhi kodi,’ to obiro dhi; to ka awacho ni, ‘Ma ok bi dhi kodi,’ to ok obi dhi.”

Jong’ad Bura 7:4 ပူးပေါင်းရင်းမြစ်များ

Chakruok 22:1

Chieng’ moro Nyasaye nomiyo Ibrahim tem. Noluonge niya, “Ibrahim! Ibrahim!” En to nodwoke ni, “Antie.”

Ayub 23:10

To kata kamano, ong’eyo gimoro amora ma atimo, kendo ka oranga, to obiro yudo ka aler.

Zaburi 33:16

Oganda lweny maduong’ ok ema mi ruoth lo lweny. Jalweny bende ok nyal tony e kedo mana nikech tekre owuon.

Zaburi 66:10

A Nyasaye isepwodhowa mana kaka ipwodho fedha gi mach.

Zaburi 7:9

Tiek timbe mamono mag joricho, kendo tim ni joma beyo gik ma owinjore gi timbegi. In Nyasaye ma timne kare, kendo inono chuny ji kod parogi maiye.

Jong’ad Bura 7:5

Kamano Gideon notero ji mwalo nyaka e dho pi, mi Ruoth Nyasaye nowachone niya, “Jogo duto ma gado pi gi lewgi kaka guok gado, ket yorgi, to mago ma goyo chonggi piny, eka modho, ket komachielo.”

1 Samuel 14:6

Jonathan nowacho ni jating’ne gilweny niya, “Bi mondo waidh loka ir jolweny mag joma ok ter nyangugo. Dipo ka Ruoth Nyasaye okonyowa, nimar onge gima mono Ruoth Nyasaye resowa, kata ka wang’eny, kata ka wanok.”

1 Samuel 16:7

To Ruoth Nyasaye nowacho ni Samuel niya, “Kik ing’i wang’e kata borne, nikech asedage. Ruoth Nyasaye ok ng’ichi kaka dhano ng’icho. Dhano ng’iyo ringruok, to Ruoth Nyasaye ng’iyo chuny.”