Jong’ad Bura 7:3 - MUMA MALER 2015

³ Koro dhiyo mondo iland ni ji wach niya, ‘Ng’ato ang’ata ma luoro kata kibaji omako, mondo oa e got Galud piyopiyo odog dala.’ ” Gideon notimo kamano, mi ji alufu piero ariyo gariyo noduogo, to alufu apar nodong’.

Motingʼo Loko Manyien

³ go milome ne ji ni, ‘Ngʼato angʼata ma luoro omako ogom kendo oa e Got Gilead.’ ” Omiyo ji alufu piero ariyo gariyo noa, to ji alufu apar nodongʼ.

Jong’ad Bura 7:3 ပူးပေါင်းရင်းမြစ်များ

Mathayo 13:21

To wachno ok moki e chunye, omiyo ok odag aming’a kendo ka chandruok kata sand moro obiro nikech wachno, to opodho piyopiyo nono.

Mathayo 20:16

Eka Yesu notieko, kawacho niya, “Kamano joma koro odong’ chien notel, to joma koro otelo nodong’ chien!”

Rapar mar Chik 20:8

Jodongo nomed wuoyo gi jolweny, kawacho niya, ‘Bende kapo ni nitie ng’ama luor, kata ma chunye onyosore, to onego odog dala nikech dipo ka omiyo jowetene obedo maluor ka en.’

Fweny 17:14

Giniked gi Nyarombo, to Nyarombo nologi, nimar en Jaduong’ mar jodongo, kendo Ruodh ruodhi, kendo nikech joma luwe gin joma oluongi kendo ma oyier, kendo moyie kuome.

Fweny 21:8

To ngoche, gi joma ok oyie, kod jomriambo duto, kargi nobed mana ataro maliel gi ligek mach, ma en tho mar ariyo!”

Jong’ad Bura 6:35

Nooro joote e piny Manase duto mondo gin bende giluwe, kendo nooro joote ir jo-Asher gi jo-Zebulun kod jo-Naftali mi gin bende ne gibiro.